لاہور بورڈ نے امتحان کے لیے میٹرک اور انٹرمیڈیٹ کے طلبا کی بائیومیٹرک حاضری لازمی قرار دیدی
بائیومیٹرک حاضری کا آغاز
لاہور (ڈیلی پاکستان آن لائن) تعلیمی بورڈ کے تحت امتحان کےلیے میٹرک اور انٹرمیڈیٹ کے طلبا کی بائیومیٹرک حاضری لازمی قرار دیدی گئی۔
یہ بھی پڑھیں: امریکی افواج نے ایرانی جوہری تنصیبات پر حملے میں انتہائی مہارت کا مظاہرہ کیا ، امریکی وزیر دفاع
امتحانی مرکز کی تفصیلات
مراسلے کے مطابق امتحان سنٹر میں انٹری دونوں انگوٹھوں کی ویریفکیشن کے بعد ممکن ہوگی۔ لاہور، قصور، شیخوپورہ اور ننکانہ صاحب کے اسکولز، کالجز کے پرنسپلز کو طلبا کے بائیو میٹرک فنگرپرنٹس لینے کے احکامات جاری کر دیئے گئے۔ امتحانی مرکز میں طلبا کی امتحان سے قبل بائیومیٹرک حاضری ہوگی، امتحان دینے والے طلبا کے دونوں انگوٹھوں کے پرنٹس چیک کیے جائیں گے۔
بورڈ کی ہدایات
بورڈ ہدایات کے مطابق تعلیمی ادارے کا سربراہ بائیومیٹرک ڈیوائس کا بندوبست کرے گا، لاہور بورڈ کے سوفٹ ویئر پر بائیومیٹرک ڈیٹا اپ لوڈ کیا جائے گا، تمام طلبا کے دونوں انگوٹھوں کے بائیومیٹرک امپریشن لینا لازمی ہوں گے۔
