آئندہ برس کی حج پالیسی منظور: آئندہ سال سرکاری حج پیکیج کتنا ہوگا؟
وفاقی کابینہ کی حج پالیسی 2025 کی منظوری
اسلام آباد (ڈیلی پاکستان آن لائن) وفاقی کابینہ نے حج پالیسی 2025 کی منظوری دے دی۔
یہ بھی پڑھیں: انڈیا میں غیر ملکی سرمایہ کاری پر پاک بھارت کشیدگی کا کتنا اثر پڑے گا؟
سرکولیشن سمری کے ذریعے منظوری
ذرائع کے مطابق حج پالیسی 2025 کی منظوری سرکولیشن سمری کے ذریعے دی گئی ہے۔
یہ بھی پڑھیں: ثنا یوسف قتل کیس، ملزم سے کتنے پیسے برآمد ہوئے؟ تہلکہ خیز انکشاف
حج پیکیج کی متوقع قیمت
پالیسی کے مطا بق اگلے سال سرکاری حج پیکیج 10 لاکھ 75 ہزار سے 11 لاکھ 75 ہزار تک متوقع ہے جبکہ پاکستان سے آئندہ سال 1 لاکھ 79 ہزار عازمین حج کی سعادت حاصل کرسکیں گے۔
یہ بھی پڑھیں: بیلا روس کے صدر کی آج پاکستان آمد، اہم ملاقاتیں، مفاہمتی یادداشتوں پر دستخط شیڈول
حج کوٹے کی تقسیم
حج پالیسی کے مطابق حکومت اور پرائیویٹ آپریٹرز میں ہر ایک کو 89 ہزار 605 حجاج کا کوٹہ ملے گا۔ نئی حج پالیسی میں ایک ہزار کے قریب کوٹہ ہارڈشپ کیلئے اور 300 کے قریب کوٹہ ای او بی آئی کے تحت رجسٹرڈ کم آمدنی والے مزدوروں کیلئے مختص ہوگا۔
یہ بھی پڑھیں: لاہور سمیت پنجاب کی جیلوں میں قیدیوں کے کھانے کے لیے 6 ارب اور صرف چائے کے لیے 68 کروڑ روپے کا بجٹ
طویل اور مختصر حج کی مدت
ذرائع کا بتانا ہے کہ آئندہ برس کا طویل حج 38 سے 42 دن اور مختصر حج 20 سے 25 دن پر محیط ہوگا جس دوران 12 سال سے کم بچے حج کا سفر نہیں کرسکیں گے۔
یہ بھی پڑھیں: بھارت نے دفاع انٹیلی جنس ایجنسی کے ڈائریکٹر جنرل کو بھی عہدے سے ہٹا دیا کیونکہ ۔ ۔ ۔
لازمی ویکسین کی شرط
عازمین حج کیلئے سعودی حکومت سے منظور شدہ ویکسین لازمی قرار دی گئی ہے۔
روڈ ٹو مکہ سہولت
ذرائع کے مطابق روڈ ٹو مکہ سہولت اسلام آباد، لاہور اور کراچی ایئرپورٹ پر دی جائے گی جبکہ بغیر محرم خواتین اسلامی نظریاتی کونسل کی شرائط پر حج کرسکیں گی۔
