سال 2025 کے دوران 38 ہزار سے زائد پاکستانیوں کو خلیجی ممالک سے ڈی پورٹ کیا گیا، تفصیلات قومی اسمبلی میں پیش

پاکستانیوں کی خلیجی ممالک سے ڈی پورٹیشن کی رپورٹ

اسلام آباد(ڈیلی پاکستان آن لائن) قومی اسمبلی میں پیش کی گئی رپورٹ کے مطابق سال 2025 کے دوران 38 ہزار سے زائد پاکستانیوں کو خلیجی ممالک سے ڈی پورٹ کیا گیا۔ سب سے زیادہ پاکستانیوں کو سعودی عرب سے ڈی پورٹ کیا گیا۔

یہ بھی پڑھیں: ایرانی پارلیمنٹ کے سپیکر باقر قالیباف کی قیادت میں ایران کا وفد امریکہ سے مذاکرات کے لیے اسلام آباد پہنچ گیا

ڈی پورٹ ہونے والے پاکستانیوں کی تعداد

دستاویزات کے مطابق سعودی عرب سے 27 ہزار 692 پاکستانی ڈی پورٹ ہوئے۔ جبکہ متحدہ عرب امارات سے 6 ہزار 794، عمان سے 2 ہزار 537، بحرین سے 786، قطر سے 644 اور کویت سے 163 پاکستانیوں کو ملک بدر کیا گیا۔

یہ بھی پڑھیں: پاکستان سے کشیدگی، افغان وزیر خارجہ کا قطر کے وزیر مملکت برائے خارجہ امور سے ٹیلیفونک رابطہ

بھیک مانگنے کے الزام میں ڈی پورٹیشن

بھیک مانگنے کے الزام میں 780 پاکستانیوں کو ڈی پورٹ کیا گیا۔ جن میں سے 767 کا تعلق سعودی عرب، 10 کا یو اے ای، 2 کا قطر اور ایک کا عمان سے تھا۔

یہ بھی پڑھیں: بہتے دریائے نیل سے آس پاس کی پہاڑیاں اور مندر دلکش منظر پیش کر رہے تھے، مقامی مصری اور غیر ملکی سیاح مچھلیاں پکڑنے کا شوق بھی پورا کر رہے تھے

مختلف مقدمات میں ڈی پورٹ ہونے والے پاکستانی

اسی طرح منشیات کے مقدمات میں ایک ہزار 25 جبکہ چوری میں ملوث 109 پاکستانیوں کو مختلف خلیجی ممالک سے نکالا گیا۔ غیر قانونی داخلے پر 4 ہزار 872 پاکستانیوں کو ملک بدر کیا گیا۔