ترکیہ: پارلیمنٹ اکھاڑے میں تبدیل، وزیرِ انصاف کی تقرری پر اراکین گتھم گھتا ہو گئے

ترکیہ میں ہنگامہ آرائی

انقرہ (ویب ڈیسک) ترکیہ میں آکن گرلگ کی بطور وزیر انصاف تقرری کے بعد پارلیمنٹ میں شدید ہنگامہ آرائی دیکھنے میں آئی، اراکین نے ایک دوسرے پر گھونسوں اور لاتوں کی بارش کر دی۔

یہ بھی پڑھیں: رونالڈو نے اپنی گرل فرینڈ جارجینا روڈریگز کے ساتھ منگنی کر لی

اپوزیشن کا احتجاج

نجی ٹی وی چینل جیو نیوز کے مطابق اپوزیشن جماعتوں نے آکن گرلگ کی تقرری پر سخت اعتراض اٹھاتے ہوئے ایوان میں احتجاج کیا اور بعض ارکان دست و گریباں ہوگئے، ایک دوسرے پر لاتوں اور گھونسوں کی بارش کردی۔

یہ بھی پڑھیں: متحدہ عرب امارات کے صدر شیخ محمد بن زاید النہیان آج پاکستان پہنچیں گے

آکن گرلگ کی تقرری پر سوالات

اپوزیشن اراکین نے آکن گرلگ کو حلف اٹھانے سے روکنے کی کوشش کی اور مؤقف اختیار کیا کہ ان کی تقرری متنازع ہے۔

یہ بھی پڑھیں: سانحہ گل پلازہ، میئر کراچی کا فائر فائٹر فرقان کے ورثاء کی لیے 1 کروڑ روپے مالی معاونت کا اعلان

سیاسی تناؤ کی وجوہات

یاد رہے کہ آکن گرلگ اس سے قبل بطور چیف پراسیکیوٹر اپوزیشن کے خلاف کریک ڈاؤن کی قیادت کر چکے ہیں، جس کی وجہ سے ان کی نامزدگی پر سیاسی کشیدگی میں اضافہ ہوا ہے۔

حکومت کا دفاع

حکومتی ارکان نے صدر اردوان کے فیصلے کا دفاع کرتے ہوئے کہا کہ آکن گرلگ قانون کے مطابق اپنی ذمہ داریاں انجام دیتے رہے ہیں، تاہم اپوزیشن نے اس تقرری کو جمہوری اقدار کے خلاف قرار دیا۔