پی ٹی آئی رہنما اعظم سواتی 7 روزہ جسمانی ریمانڈ پر پولیس کے حوالے
پی ٹی آئی کے احتجاج کا مقدمہ
اسلام آباد (ڈیلی پاکستان آن لائن) انسدادِ دہشتگردی عدالت نے پی ٹی آئی کے احتجاج کے دوران توڑ پھوڑ کیس میں اعظم سواتی کو 7 روزہ جسمانی ریمانڈ پر پولیس کے حوالے کردیا۔
یہ بھی پڑھیں: قومی اسمبلی کا اجلاس منگل کو طلب، دینی مدارس سے متعلق بل پر غور کا امکان
عدالت کی کارروائی
انسداد دہشت گردی عدالت کے جج ابو الحسنات ذوالقرنین نے اعظم سواتی کے جسمانی ریمانڈ پر سماعت کی جہاں اعظم سواتی کے وکیل علی بخاری اور پراسیکیوٹر راجا نوید پیش ہوئے۔
یہ بھی پڑھیں: امید ہے نو منتخب وزرابانی عمران خان کے ویژن کے مطابق بھرپور کردار ادا کریں گے،اسد قیصر
پروسیکیوشن کا موقف
پراسیکیوٹر راجا نوید نے اعظم سواتی کے 30 روزہ جسمانی ریمانڈ کی استدعا کی تاہم عدالت نے 7 روزہ جسمانی ریمانڈ پر پولیس کے حوالے کردیا اور 17 اکتوبر کو انسدادِدہشت گردی عدالت میں دوبارہ پیش کرنے کا حکم دیا۔
مقدمے کی تفصیلات
خیال رہے کہ پی ٹی آئی رہنما اعظم سواتی کے خلاف تھانہ سنگجانی میں مقدمہ درج کیا گیا تھا۔
