پنجاب میں جان بچانے والی ادویات سمیت 10 معروف ادویات غیرمعیاری قرار، ڈریپ نے پابندی عائد کر دی
پنجاب میں غیرمعیاری ادویات کی فہرست
لاہور(ڈیلی پاکستان آن لائن) پنجاب میں فروخت ہونے والی جان بچانے والی ادویات سمیت 10 معروف ادویات غیرمعیاری قرار دے دی گئیں۔ ڈرگ ریگولیٹری اتھارٹی آف پاکستان (ڈریپ) نے متعلقہ ادویات کے مخصوص بیچز پر فوری پابندی عائد کر دی۔
یہ بھی پڑھیں: کراچی کلفٹن چائنہ پورٹ کے قریب سے ملنے والی مرد و خاتون کی لاشوں کی شناخت ہوگئی
ادویات کی جانچ اور رپورٹ
سما ٹی وی کے مطابق ذرائع کا کہنا ہے ادویات کے سیمپلز کو ڈرگ ٹیسٹنگ لیبارٹری میں جانچ کے لیے بھیجا گیا، جہاں رپورٹ میں 10 ادویات کا معیار انتہائی ناقص پایا گیا۔ غیرمعیاری قرار دی جانے والی ادویات میں الرجی، دل کے امراض، سکن انفیکشن، نزلہ زکام اور آنکھوں کے علاج میں استعمال ہونے والی ادویات شامل ہیں۔
یہ بھی پڑھیں: دلکش لمحہ تھا، ہلکی ہلکی ہوا چل رہی تھی، کچھ دو تین اجنبی چہرے بھی اِدھر اُدھر ملنے ملانے میں مصروف پائے گئے، میں ذرا کھلے ڈھلے موڈ میں تھا۔
غیرمعیاری ادویات کی تفصیلات
الرجی میں استعمال ہونے والی مخصوص دوا ’’ڈیزی‘‘ غیرمعیاری نکلی، جبکہ ہارٹ اٹیک کے خطرات کم کرنے والی دوا ’’ایسکاڈ‘‘ بھی مضر صحت قرار دی گئی۔ اسی طرح سکن انفیکشن کے علاج کے لیے استعمال ہونے والی ’’کیناڈیکس‘‘ کا استعمال بھی روک دیا گیا ہے۔
نزلہ زکام میں استعمال ہونے والی ادویات ’’سیپی زائن‘‘ اور ’’روزن‘‘ پر بھی پابندی عائد کر دی گئی ہے، جبکہ آنکھوں کے ڈراپس ’’نیفن‘‘ بھی غیرمعیاری قرار پائے۔ ہاتھ اور پاؤں کی باریک نسوں کے علاج میں استعمال ہونے والا ایک انجکشن بھی ناقص ادویات کی فہرست میں شامل ہے۔
یہ بھی پڑھیں: سونے کی قیمت میں کمی، فی تولہ کتنے کا ہو گیا؟
متعلقہ کمپنیوں کی معلومات
یہ ادویات کراچی کے علاقے سائٹ ایریا اور منگھوپیر جبکہ لاہور کے سندر انڈسٹریل ایریا اور رائیونڈ روڈ پر قائم فارما کمپنیوں میں تیار کی گئی تھیں۔
ڈرگ ریگولیٹری اتھارٹی کی کارروائی
ڈریپ کے مطابق تمام متعلقہ ادویات کے مخصوص بیچز کی فروخت اور استعمال پر پابندی عائد کر دی گئی ہے اور مزید کارروائی جاری ہے۔
