ہم تو برداشت کر لیں گے یہ نہیں کر پائیں گے تمہارے آنسو ابھی سے نظر آ رہے ہیں، مرحوم مشاہد اللہ خان کے تاریخی الفاظ آج بھی زندہ ہیں، محسن شاہنواز رانجھا

محسن شاہنواز رانجھا کا بیان

اسلام آباد (ڈیلی پاکستان آن لائن) لیگی رہنما محسن شاہنواز رانجھا کا کہنا ہے "ہم تو برداشت کر لیں گے یہ نہیں کر پائیں گے تمھارے آنسو ابھی سے نظر آ رہے ہیں"، مرحوم مشاہد اللہ خان کے تاریخی الفاظ آج بھی زندہ ہیں۔

یہ بھی پڑھیں: کراچی: چئیرمین سینیٹ یوسف رضا گیلانی ٹڈاپ میگا کرپشن کے 9 مقدمات سے بری

نواز شریف اور دیگر رہنماؤں کی کہانی

اپنے ایکس بیان میں انہوں نے کہا نواز شریف کو پاناما کیس میں نا حق نا اہل کیا گیا اور فیصلہ ہوا بیٹے سے تنخواہ نہ لینے پر۔ محترمہ مریم نواز کو والد کے سامنے کوٹ لکھپت سے گرفتار کیا گیا۔ شہباز شریف، حمزہ شہباز، احسن اقبال، خواجہ آصف، رانا ثنا اللہ، شاہد خاقان، خواجہ سعد رفیق، خواجہ سلمان رفیق، اور عمران خان کے دور حکومت کے ظلم و ستم کی لمبی تاریخ موجود ہے۔ ہم علاج کے مخالف نہیں، علاج ہونا چاہیے وہ ان کا بنیادی حق ہے۔ مگر نواز شریف کی بیماری کا مذاق کس نے اڑایا اور کس نے کہا تھا "اے سی اتروا دوں گا"؟ محترمہ کلثوم نواز کی علالت کے وقت کون ویڈیو کا کہتا رہا؟ ان کی شدید علالت کے باوجود نواز شریف سے بات کیوں نا کروائی گئی؟ پھر نواز شریف کی بیماری کے وقت کس کس نے کیا ٹویٹ کیے اور کیا بولا، تاریخ کے اوراق میں سب درج ہے۔

یہ بھی پڑھیں: بلوچستان کی ترقی قومی ترجیح ہے، بلوچ عوام کے حقوق اور ترقیاتی منصوبوں پر کوئی سمجھوتہ نہیں ہوگا، چودھری شجاعت حسین

سیاسی روایات اور اصول

محسن شاہنواز رانجھا نے مزید کہا کہ سیاست میں ذاتیات، نفرت، اور گالیوں کو تحریک انصاف نے عام کیا۔ ظلم کے پہاڑ کے باوجود مسلم لیگ ن کی قیادت ڈٹی رہی اور سیاست میں ہمیشہ شائستگی اور رواداری کو اپنا اصول بنایا۔ آگے بھی یہی چاہتے ہیں کہ ہم کسی کی بیماری کا نہ مذاق بنائیں اور نہ کسی کی علالت پر سیاست کریں، مگر اپنے ماضی پر بھی نظر ڈال لیں۔

سوشل میڈیا پر بیان

ہم تو برداشت کر لیں گے یہ نہیں کر پائیں گے تمھارے آنسو ابھی سے نظر آ رہے ہیں، مرحوم مشاہد اللہ خان کے تاریخی الفاظ آج بھی زندہ ہیں

نواز شریف کو پانامہ کیس میں نا حق نا اہل کیا گیا اور فیصلہ ہوا بیٹے سے تنخواہ نا لینے پر، محترمہ مریم نواز کو والد کے سامنے کوٹ لکھپت سے گرفتار…

— Mohsin Ranjha (@MNAMohsinRanjha) February 13, 2026