حکومت رابطہ کرے یا نہ کرے دھرنا جاری رہے گا،یہیں پر روزے بھی رکھیں گے اور تراویح بھی پڑھیں گے: محمود خان اچکزئی ڈٹ گئے

دھرنے کا اعلان

اسلام آباد (ڈیلی پاکستان آن لائن) اپوزیشن لیڈر محمود اچکزئی نے کہا ہے کہ حکومت رابطہ کرے یا نہ کرے دھرنا جاری رہے گا، یہیں پر روزے بھی رکھیں گے اور تراویح بھی پڑھیں گے۔

یہ بھی پڑھیں: اربعین کے لیے زمینی راستے سے ایران اور عراق جانے پر پابندی عائد

پارلیمنٹ کے باہر دھرنا

تفصیلات کے مطابق بانی پی ٹی آئی کو ہسپتال منتقل کرنے کے مطالبے پر اپوزیشن اتحاد کا پارلیمنٹ میں دھرنا جاری ہے، شرکاء پارلیمنٹ کے باہر احاطے میں آگئے۔

یہ بھی پڑھیں: علی ظفر کا سلمان اکرم راجہ کے عالیہ حمزہ سے متعلق بیان پر رد عمل آگیا

ڈاکٹرز کے ناموں پر خط

’’جنگ‘‘ کے مطابق اپوزیشن لیڈر محمود اچکزئی کا کہنا ہے کہ وزیر اعظم کو اپوزیشن لیڈر کی حیثیت سے 3 ڈاکٹرز کے ناموں پر مشتمل خط لکھا تھا، وزیر اعظم نے اس پر کچھ نہیں کیا۔ ہم یہاں بیٹھیں گے، ابھی پورا دن گزر گیا، ہم دھمکیاں دینے والے لوگ نہیں ہیں، اس پارلیمنٹ کی آزادی کے لیے ہم کسی حد تک بھی جائیں گے۔ 100 سے زائد اراکین پارلیمنٹ کو آپ یہاں قیدی بنا کر رکھے ہوئے ہیں۔ کل بات ہوئی تھی کہ بانی پی ٹی آئی کو الشفا ہسپتال لے جانے تک یہاں دھرنا دیں گے۔ بانی پی ٹی آئی کی آنکھ ضائع نہ ہو، وہ جس ہسپتال میں جانا چاہیں علاج کرائیں، یہ آپ کے فائدے کے لیے ہے، شہباز بھائی۔

استعفوں کے اثرات

محمود خان اچکزئی کا یہ بھی کہنا تھا کہ یہ لوگ اسمبلیوں سے استعفیٰ دیں تو کیا اتنی بڑی تعداد میں ضمنی انتخاب ہو سکے گا؟ پی ٹی آئی کا جرم کیا ہے، یہ اپنا مینڈیٹ واپس مانگ رہے ہیں۔ مطالبات نہ مانے گئے تو رمضان میں بھی دھرنا جاری رہے گا، یہیں پر روزے بھی رکھیں گے اور تراویح بھی پڑھیں گے۔