خیبرپختونخوا پولیس، ایلیٹ فورس اور سی ٹی ڈی کا مشترکہ آپریشن، انتہائی مطلوب 3 دہشتگرد ہلاک، 3 جوان شہید

پشاور میں کارروائی

پشاور(ڈیلی پاکستان آن لائن) خیبرپختونخوا پولیس، ایلیٹ فورس اور سی ٹی ڈی کے مشترکہ آپریشن میں انتہائی مطلوب 3 دہشتگرد ہلاک ہو گئے، سکیورٹی فورسز کے 3 جوانوں نے جام شہادت نوش کیا۔

یہ بھی پڑھیں: وزیر اطلاعات عطاء تارڑ کی عشرت فاطمہ کے گھر آمد، نشریات کے شعبے میں شاندار خدمات پر خراجِ تحسین، پی ٹی وی میں خدمات انجام دینے کی پیشکش

آپریشن کی تفصیلات

نجی ٹی وی چینل دنیا نیوز کے مطابق سکیورٹی ذرائع کا کہنا ہے کہ یہ آپریشن کبل گرام کے دشوار گزار پہاڑی علاقوں میں کیا گیا۔ ہلاک دہشتگرد نور اسلام کے سر کی قیمت 50 لاکھ روپے مقرر تھی، اور وہ فتنہ الخوارج کا سرغنہ تھا۔

یہ بھی پڑھیں: نامعلوم افراد کی فائرنگ، قبائلی رہنما جان بحق

دھماکے کا واقعہ

سکیورٹی کے مطابق، ایک دہشتگرد نے گرفتاری سے بچنے کیلئے خود کو دھماکے سے اڑا لیا، جس کے نتیجے میں آپریشن کے دوران 3 پولیس اہلکاروں نے بھی جام شہادت نوش کیا۔

دفاعی ماہرین کی رائے

دفاعی ماہرین کے مطابق، یہ ٹارگٹڈ آپریشن انسداد دہشتگردی کی حکمت عملی میں اہم پیش رفت ہے۔ اس آپریشن نے فتنہ الخوارج کے منظم نیٹ ورک کو مؤثر انداز میں کمزور کردیا، اور یہ دہشتگرد گروہ چینی باشندوں پر حملوں میں بھی ملوث تھا۔