پنجاب کی جیلوں میں ریفارمز کا سلسلہ جاری، بخشی خانوں کی بہتری کیلئے مراسلہ بھیج دیا گیا
پنجاب کی جیلوں میں اصلاحات
لاہور (ڈیلی پاکستان آن لائن)— وزیراعلی پنجاب کی ہدایت پر پنجاب بھر کی جیلوں میں ریفارمز ایجنڈے پر عملدرآمد جاری ہے۔ محکمہ داخلہ پنجاب نے جیلوں سے عدالتوں میں پیشی پر جانے والے اسیران کی سہولت کیلئے صوبہ بھر کے ڈپٹی کمشنرز کو بخشی خانوں کی بہتری کیلئے مراسلہ لکھ دیا ہے۔
یہ بھی پڑھیں: قطری وزیراعظم کی آج امریکی صدر ٹرمپ سے اہم ملاقات، اسرائیلی حملے اور غزہ سیز فائر پر بات چیت ہوگی
بخشی خانوں کی بہتری کے لئے ہدایت
مراسلے میں ڈپٹی کمشنرز کو ہدایت کی گئی ہے کہ تمام اضلاع میں قائم بخشی خانوں کی حالت کو درست کیا جائے اور ان کی تعمیر و مرمت کے کاموں کیلئے ضروری فنڈز کی تفصیلات شئیر کی جائیں۔
یہ بھی پڑھیں: سرحدوں کی خلاف ورزی کا فیصلہ کن جواب دیا جائے گا، آرمی چیف
عدالتوں میں قیدیوں کی پیشی
ترجمان محکمہ داخلہ پنجاب نے بتایا کہ پنجاب کی 43 جیلوں سے روزانہ اوسطاً 7 ہزار سے زائد قیدی عدالتوں میں پیشی کیلئے جاتے ہیں۔ عدالتی احاطے میں پیشی پر لائے گئے قیدیوں کو بخشی خانے کی بیرکوں میں رکھا جاتا ہے۔
یہ بھی پڑھیں: چارج لینے پہنچا تو دفتر پر پڑا بڑا سا تالہ منہ چڑھا رہا تھا، پرانے لوگ بلا کے سمجھ دار ہوتے تھے۔مروت، دید مرید سے اُن کی آنکھوں بھری ہوتی تھیں
قیدیوں کی سہولیات
ترجمان نے بتایا کہ حکومت پنجاب کی ہدایت پر محکمہ جیل خانہ جات پہلے ہی قیدیوں کو عدالت روانگی سے قبل لنچ باکسز اور ٹھنڈے پانی کی بوتلیں فراہم کر رہا ہے۔ اس اقدام سے اسیران بخشی خانے میں قیام کے دوران دوپہر کا کھانا سہولت سے کھا سکتے ہیں۔
فلاح و بہبود پر خصوصی توجہ
ترجمان محکمہ داخلہ پنجاب نے بتایا کہ جیل ملازمین اور اسیران کی فلاح و بہبود پر خصوصی توجہ دی جا رہی ہے اور جیل ریفارمز ایجنڈا پر تیزی سے عملدرآمد جاری ہے۔
