پشاور ہائیکورٹ کا رمضان میں سحری اور افطاری کے وقت لوڈ شیڈنگ نہ کرنے کا حکم

پشاور ہائیکورٹ کا فیصلہ

پشاور (ڈیلی پاکستان آن لائن) پشاور ہائیکورٹ نے پیسکو کو رمضان میں سحری اور افطاری کے وقت لوڈ شیڈنگ نہ کرنے کا حکم دے دیا۔

یہ بھی پڑھیں: شمالی وزیرستان میں سکیورٹی فورسز کی کارروائیاں، بھارتی پراکسی فتنہ الخوارج کے 7 دہشتگرد ہلاک

بجلی کی غیر اعلانیہ لوڈ شیڈنگ کے خلاف درخواست

نجی ٹی وی چینل 24 نیوز کے مطابق خیبر پختونخوا میں بجلی کی غیر اعلانیہ لوڈ شیڈنگ کے خلاف دائر درخواست پر پشاور ہائی کورٹ نے 5 صفحات پر مشتمل تحریری فیصلہ جاری کر دیا۔

یہ بھی پڑھیں: ایڈووکیٹ ایمان مزاری کے لائسنس منسوخی کے لیے ریفرنس دائر

لوڈ شیڈنگ کی ہدایات

عدالت نے پیسکو کو ہدایت کی ہے کہ ماہِ رمضان میں سحری اور افطار کے اوقات میں لوڈ شیڈنگ نہ کی جائے۔ فیصلے میں کہا گیا ہے کہ اگر لوڈ شیڈنگ ناگزیر ہو تو اس کے لیے شفاف شیڈول جاری کیا جائے اور غیر اعلانیہ لوڈ شیڈنگ سے اجتناب برتا جائے۔

یہ بھی پڑھیں: جنید جمشید کو مداحوں سے بچھڑے 9 برس بیت گئے

ٹھوس اقدامات اور وسائل کی دستیابی

عدالت نے پیسکو کو ہدایت کی کہ لوڈ شیڈنگ کے خاتمے کے لیے ٹھوس اور مؤثر اقدامات کیے جائیں اور تمام ممکنہ وسائل بروئے کار لائے جائیں۔ فیصلے میں یہ بھی کہا گیا کہ بجلی کی پیداوار اور تقسیم سے متعلق سپریم کورٹ کے فیصلے پر عملدرآمد یقینی بنایا جائے۔

یہ بھی پڑھیں: حکومت نے گاڑیوں کی درآمد کی عارضی اجازت دیدی، نوٹیفکیشن جاری

ملک میں بجلی کی قلت کے حقائق

عدالت نے قرار دیا کہ ملک میں پاور سیکٹر میں بجلی کی قلت سے متعلق زمینی حقائق کو نظر انداز نہیں کیا جا سکتا اور یہ قابلِ عمل نہیں کہ عدالت 24 گھنٹے بجلی کی بلا تعطل فراہمی کا حکم دے۔ بجلی کی تقسیم کار کمپنیوں پر لازم ہے کہ وہ غیر اعلانیہ لوڈ شیڈنگ سے گریز کریں۔

یہ بھی پڑھیں: عمران خان کی رہائی کے لیے فوری بنیاد پر وکالت کی جائے، امریکی ارکان کانگریس کا بائیڈن کو خط

درخواست اور سماعت کی تفصیلات

تحریری فیصلے کے مطابق لوڈ شیڈنگ کے خاتمے کے لیے تین وکلا نے درخواست دائر کی تھی۔ سماعت کے دوران پیسکو کے وکیل نے عدالت کے دائرہ اختیار پر اعتراض اٹھاتے ہوئے مؤقف اختیار کیا کہ اس معاملے کے لیے متعلقہ اپیلیٹ ٹریبونل موجود ہے، تاہم عدالت نے اپنے فیصلے میں واضح ہدایات جاری کر دیں۔