پشاور ہائیکورٹ کا رمضان میں سحری اور افطاری کے وقت لوڈ شیڈنگ نہ کرنے کا حکم

پشاور ہائیکورٹ کا فیصلہ

پشاور (ڈیلی پاکستان آن لائن) پشاور ہائیکورٹ نے پیسکو کو رمضان میں سحری اور افطاری کے وقت لوڈ شیڈنگ نہ کرنے کا حکم دے دیا۔

یہ بھی پڑھیں: انڈونیشیا کے 11 سالہ بچے کا بیچ سمندر کشتی پر ڈانس ورلڈ سینسیشن بن گیا

بجلی کی غیر اعلانیہ لوڈ شیڈنگ کے خلاف درخواست

نجی ٹی وی چینل 24 نیوز کے مطابق خیبر پختونخوا میں بجلی کی غیر اعلانیہ لوڈ شیڈنگ کے خلاف دائر درخواست پر پشاور ہائی کورٹ نے 5 صفحات پر مشتمل تحریری فیصلہ جاری کر دیا۔

یہ بھی پڑھیں: لاہور، ایلیٹ کلاس کی تقریبات میں منشیات سپلائی کرنے والی خاتون گرفتار، مال بھی برآمد کرلیا گیا

لوڈ شیڈنگ کی ہدایات

عدالت نے پیسکو کو ہدایت کی ہے کہ ماہِ رمضان میں سحری اور افطار کے اوقات میں لوڈ شیڈنگ نہ کی جائے۔ فیصلے میں کہا گیا ہے کہ اگر لوڈ شیڈنگ ناگزیر ہو تو اس کے لیے شفاف شیڈول جاری کیا جائے اور غیر اعلانیہ لوڈ شیڈنگ سے اجتناب برتا جائے۔

یہ بھی پڑھیں: سیشن کورٹ اسلام آباد کا 9 مئی سمیت دیگر مقدمات میں عمران خان اور بشریٰ کو 27 جنوری تک گرفتار نہ کرنے کا حکم

ٹھوس اقدامات اور وسائل کی دستیابی

عدالت نے پیسکو کو ہدایت کی کہ لوڈ شیڈنگ کے خاتمے کے لیے ٹھوس اور مؤثر اقدامات کیے جائیں اور تمام ممکنہ وسائل بروئے کار لائے جائیں۔ فیصلے میں یہ بھی کہا گیا کہ بجلی کی پیداوار اور تقسیم سے متعلق سپریم کورٹ کے فیصلے پر عملدرآمد یقینی بنایا جائے۔

ملک میں بجلی کی قلت کے حقائق

عدالت نے قرار دیا کہ ملک میں پاور سیکٹر میں بجلی کی قلت سے متعلق زمینی حقائق کو نظر انداز نہیں کیا جا سکتا اور یہ قابلِ عمل نہیں کہ عدالت 24 گھنٹے بجلی کی بلا تعطل فراہمی کا حکم دے۔ بجلی کی تقسیم کار کمپنیوں پر لازم ہے کہ وہ غیر اعلانیہ لوڈ شیڈنگ سے گریز کریں۔

یہ بھی پڑھیں: بھارت نے پہلگام میں فالس فلیگ آپریشن کا ڈرامہ رچایا: صدر آزاد کشمیر

درخواست اور سماعت کی تفصیلات

تحریری فیصلے کے مطابق لوڈ شیڈنگ کے خاتمے کے لیے تین وکلا نے درخواست دائر کی تھی۔ سماعت کے دوران پیسکو کے وکیل نے عدالت کے دائرہ اختیار پر اعتراض اٹھاتے ہوئے مؤقف اختیار کیا کہ اس معاملے کے لیے متعلقہ اپیلیٹ ٹریبونل موجود ہے، تاہم عدالت نے اپنے فیصلے میں واضح ہدایات جاری کر دیں۔

بجلی کی ترسیل کی ہدایت

عدالت نے پیسکو سمیت تمام فریقین کو خصوصی طور پر ماہِ رمضان میں بجلی کی ترسیل یقینی بنانے کی ہدایت کی۔