پاکستان سوشل سینٹر شارجہ میں انٹرنیشنل ٹیچرز ڈے کا انعقاد
انٹرنیشنل ٹیچرز ڈے کا انعقاد
دبئی (طاہر منیر طاہر ) پاکستان سوشل سینٹر شارجہ میں انٹرنیشنل ٹیچرز ڈے کا انعقاد کیا گیا جس میں متحدہ عرب امارات میں موجود تمام پاکستانی اسکولز سے اساتذہ اور طلباء نے شرکت کی۔
یہ بھی پڑھیں: پشاور ہائیکورٹ میں وزیراعلیٰ خیبرپختونخوا اعلیٰ امین گنڈاپور کی نااہلی کی درخواست
پروگرام کا آغاز
تفصیلات کے مطابق پروگرام کا باقاعدہ آغاز تلاوتِ کلامِ پاک سے کیا گیا۔ ڈاکٹر اکرم شہزاد نے قرآنی آیات تلاوت کیں۔متحدہ عرب امارات اور پاکستان کے ترانے بجائے گئے۔
یہ بھی پڑھیں: آئی پی ایل میں آر سی بی کی تاریخی جیت کا جشن مناتے ہوئے 7 افراد ہلاک، متعدد زخمی
مہمانانِ خصوصی
تقریب کی مہمانِ خصوصی مسز شمائلہ احمد، پرنسپل ایجوکیشن اکیڈمی، اور مہمانِ اعزازی مس لبنیٰ تھیں۔ اس موقع پر پاکستان ایجوکیشن اکیڈمی دبئی کے بچوں نے خوبصورت ٹیبلوز پیش کئے۔
یہ بھی پڑھیں: شراب و اسلحہ برآمدگی کیس: علی امین کو گرفتار کر کے پیش کرنے کا حکم
طلباء کی شراکت
بچوں نے اپنے اساتذہ سے عقیدت کا اظہار کرتے ہوئے تقاریر کیں، نظمیں پڑھیں اور ایک خوبصورت خاکہ بھی پیش کیا۔ چوہدری خالد حسین اور مسز شمائلہ نے منتخب اساتذہ کو ان کی خدمات کا اعتراف کرتے ہوئے شیلڈز سے نوازا۔
یہ بھی پڑھیں: بھارت کی انٹیلی جنس ایجنسی “را” پہلگام حملے کی منصوبہ ساز نکلی، خفیہ دستاویزات لیک، مودی سرکار سے متعلق بھی تہلکہ خیز انکشافات سامنے آ گئے
اساتذہ کی محنت کا اعتراف
اس موقع پر مس شمائلہ احمد اور چوہدری خالد حسین، صدر پاکستان سوشل سینٹر شارجہ، کا کہنا تھا کہ ہم آج یوم اساتذہ پر تمام اساتذہ کو خراج تحسین پیش کرتے ہیں اور ان کی محنت اور خلوص کو قدر کی نگاہ سے دیکھتے ہیں۔ اساتذہ قوم کے معمار ہوتے ہیں اور نسلوں کو سنوارنے میں اہم کردار ادا کرتے ہیں۔
یہ بھی پڑھیں: بشریٰ بی بی کا سعودی حکومت کے خلاف بڑا بیان
اساتذہ کی قدر
کلچرل ہیڈ پاکستان سوشل سینٹر شارجہ، صائمہ نقوی کا کہنا تھا کہ ہمیں اساتذہ کی قدر کرنی چاہیئے۔ ان کو معاشرے میں وہ حق اور مقام دینا چاہیے جس کے وہ مستحق ہیں۔ اسلام میں اساتذہ کا مقام بہت بلند ہے۔
تقریب کا اختتام
انٹرنیشنل ٹیچرز ڈے کی تقریب کے آخر میں کیک کاٹا گیا۔ تمام مہمانوں کی تواضع اشیائے خورد و نوش سے کی گئی۔ اس طرح ایک خوبصورت تقریب اختتام پذیر ہوئی۔
