قائداعظم یونیورسٹی میں طلبا کے دو گروپوں میں تصادم

تصادم کا واقعہ

اسلام آباد(ڈیلی پاکستان آن لائن) قائداعظم انٹرنیشنل یونیورسٹی میں طلبا کے دو گروپوں میں تصادم کے نتیجے میں متعدد طلبہ زخمی ہوگئے، جن میں سے ایک حالت تشویش ناک ہے۔ انتظامیہ نے بوائز ہاسٹل خالی کرنے کی ہدایت کردی۔

یہ بھی پڑھیں: چلڈرن ہسپتال لاہور میں 3 سالہ بچہ کا کھلے مین ہول میں گر کر جاں بحق ،وزیر اعلیٰ کا نوٹس، کارروائی کا حکم

زخمی طلبہ کی صورتحال

قائداعظم یونیورسٹی اسلام آباد میں دو گروپوں پختون کونسل اور پنجاب سٹوڈنٹس کونسل کے درمیان تصادم کے نتیجے میں متعدد طلبا زخمی ہوئے۔ یہ تصادم یونیورسٹی کے ہاسٹل میں ہوا۔ زخمیوں کو پمز ہسپتال منتقل کردیا گیا، جہاں ایک طالب علم کی حالت تشویش ناک بتائی جا رہی ہے۔

یہ بھی پڑھیں: سابق چیف جسٹس قاضی فائز عیسیٰ کو بڑا آئینی عہدہ دیئے جانے کی تیاری

تشویش ناک حالات

طلبا کے گروپس کے درمیان تصادم کے دوران ایک ہاسٹل میں طلبا تنظیم کی جانب سے آگ بھی لگائی گئی ہے۔ طلبا کی جانب سے فائرنگ بھی کی گئی، جبکہ پولیس کی بھاری نفری بھی قائداعظم یونیورسٹی میں موجود ہے۔

یونیورسٹی انتظامیہ کا اقدام

دوسری جانب یونیورسٹی انتظامیہ نے بوائز ہاسٹلز خالی کروانے کا فیصلہ کرلیا ہے۔ تاہم انتظامیہ کا مؤقف ہے کہ ہاسٹلز شنگھائی تعاون تنظیم (ایس سی او) سربراہی کانفرنس کے باعث بوائز ہاسٹلز خالی کروائے جارہے ہیں۔