پاکستان کے مؤثر ردعمل سے دہشتگردوں کو حملوں سے رفتار پکڑنے کے مقصد میں مکمل ناکامی ہوئی۔۔۔ترک جریدے کی رپورٹ

پاکستان کا مؤثر ردعمل

استنبول (مانیٹرنگ ڈیسک) پاکستان کے مؤثر ردعمل سے دہشتگردوں کو حملوں کے ذریعے رفتار پکڑنے کے مقصد میں مکمل ناکامی ہوئی۔۔۔ترک جریدے کی رپورٹ کی اہم تفصیلات سامنے آگئیں۔

یہ بھی پڑھیں: لاہور میں بے اولادی سے دلبرداشتہ شخص نے مبینہ طور پر خودکشی کرلی

انسداد دہشت گردی کی صلاحیت

’’جیو نویز‘‘ کے مطابق، اسلام آباد اور بلوچستان میں دہشت گردی کے واقعات پر ترک جریدے ’’ڈیلی صباح‘‘ نے لکھا ہے کہ دونوں واقعات میں پاکستان نے انسداد دہشت گردی کی بھرپور صلاحیت کا مظاہرہ کیا۔ اسلام آباد اور بلوچستان میں دہشت گردی کا مقصد خوف، فرقہ وارانہ بے چینی اور ریاست پر اعتماد کو کمزور کرنا تھا۔ پاکستان نے بھرپور انسداد دہشت گردی کی صلاحیت کا مظاہرہ کیا جس کے باعث حملوں کے باوجود نہ ریاستی رٹ کمزور ہوئی اور نہ ہی سٹریٹجک نقصان ہوا۔

فوری سیکیورٹی کارروائیاں

اخبار کے مطابق پاکستان کے مؤثر ردعمل سے دہشت گردوں کو ان حملوں سے رفتار پکڑنے کے مقصد میں مکمل ناکامی ہوئی۔ اسلام آباد میں خودکش حملے کے بعد سیکیورٹی فورسز نے فوری کارروائیاں کرتے ہوئے تقریباً 40 گھنٹوں میں 145 دہشت گردوں کو ہلاک کیا، جبکہ بلوچستان میں ایک ہفتے جاری رہنے والے آپریشن ردالفتنہ کے دوران بی ایل اے کے 216 دہشت گردوں کو ہلاک کیا گیا۔ بین الاقوامی سطح پر بی ایل اے اور مجید بریگیڈ کو دہشت گرد تنظیم قرار دینا پاکستان کے مؤقف کی تائید ہے۔