سپریم کورٹ: لطیف کھوسہ کی عمران خان سے ملاقات کی درخواست مسترد

سپریم کورٹ کی کارروائی

اسلام آباد(ڈیلی پاکستان آن لائن) سپریم کورٹ نے پی ٹی آئی کے وکیل رہنما اور ممبر قومی اسمبلی لطیف کھوسہ کی عمران خان سے ملاقات کی استدعا مسترد کردی۔

یہ بھی پڑھیں: لاہور پولیس کی ناجائز اسلحہ کے خلاف زیرو ٹالرنس پالیسی، رواں سال 7ہزار 541 مقدمات درج

توشہ خانہ کیس کی سماعت

نجی ٹی وی چینل جیو نیوز کے مطابق توشہ خانہ کیس میں بانی پی ٹی آئی کو الیکشن لڑنے کی اجازت دینے کے معاملے پر کیس کی سماعت سپریم کورٹ میں ہوئی، جس دوران عمران خان کی جانب سے لطیف کھوسہ پیش ہوئے۔

یہ بھی پڑھیں: جو غیر ملکی یہ کام کریں گے میں انہیں پیسے اور ٹکٹ دوں گا اور پھر۔۔ ڈونلڈ ٹرمپ نے بڑا اعلان کر دیا

لطیف کھوسہ کی استدعا

دوران سماعت لطیف کھوسہ نے کہا کہ ہماری بانی پی ٹی آئی سے ملاقات کرائی جائے، جس پر جسٹس ہاشم کاکڑ نے ریمارکس دیے کہ آپ نے ہم سے ازخود نوٹس کا اختیار لے لیا ہے، ہم ایک فوجداری مقدمے میں ملاقات کا حکم کیسے دے سکتے ہیں۔

یہ بھی پڑھیں: اسرائیلی وزیر اعظم کا حماس کے غزہ چیف محمد سنوار کی شہادت کا دعویٰ

ججز کے ریمارکس

جسٹس صلاح الدین پہنور کا کہنا تھا کہ جو کیس ہمارے سامنے فکس ہی نہیں، اس پر حکم کیسے جاری کریں جبکہ جسٹس ہاشم کاکڑ کا کہنا تھا کہ عدالت میں کھڑے ہو کر سیاسی باتیں نہ کریں، سیاسی باتیں پارلیمنٹ جاکر کریں۔

ملاقات کی استدعا کا رد

جسٹس ہاشم کاکڑ کے لطیف کھوسہ کی گفتگو پر مسکراتے ہوئے ریمارکس دیئے کہ ٹھیک ہے آپ نے بات کر دی، اب اس کے ٹکرز بھی چلیں گے، وی لاگز بھی ہو جائیں گے۔

سپریم کورٹ نے لطیف کھوسہ کی بانی پی ٹی آئی عمران خان سے ملاقات کرانے کی استدعا مسترد کردی۔