محکمہ موسمیات کی بارش کی پیشگوئی

محکمہ موسمیات کی پیشگوئی

اسلام آباد(ڈیلی پاکستان آن لائن)محکمہ موسمیات نے ملک کے چند مقامات پر بارش ہونے کی پیشگوئی کر دی۔

یہ بھی پڑھیں: ایسٹر کے لیے مربوط سیکیورٹی پلان تیار، فیلڈ افسران کو بذات خود سیکیورٹی مانیٹر کرنے کی ہدایات جاری

موسم کی حالت

نجی ٹی وی چینل ہم نیوز کے مطابق محکمہ موسمیات کا کہنا ہے کہ ملک کے بیشتر علاقوں میں موسم گرم اور خشک رہے گا جبکہ سندھ میں شدید گرم رہے گا۔ اسلام آباد اور گرد و نواح میں موسم گرم اور خشک رہے گا۔ بلوچستان اور پنجاب کے بیشتر اضلاع میں بھی یہی موسم رہے گا، تاہم مری اور گلیات میں مطلع جزوی ابرآلود رہنے کا امکان ہے۔

یہ بھی پڑھیں: شاہد آفریدی کی وزیراعظم سے بھی ملاقات، کیا بات چیت ہوئی؟ تفصیلات سامنے آگئیں

سندھ اور تھرپارکر کی صورتحال

سندھ کے بیشتر اضلاع میں موسم شدید گرم اور خشک رہے گا۔ تھرپارکر، مٹھی اور گرد و نواح میں مطلع جزوی ابر آلود ہونے کے علاوہ تیز ہواؤں اور گرج چمک کے ساتھ ہلکی بارش ہو سکتی ہے۔

یہ بھی پڑھیں: یمن میں امریکی طیاروں کی جیل پر بمباری، 68 افراد جاں بحق، درجنوں زخمی

خیبرپختونخوا کی پیشگوئی

خیبرپختونخوا کے بیشتر اضلاع میں موسم خشک رہنے کا امکان ہے، تاہم چترال، دیر، سوات اور کوہستان میں تیز ہواؤں اور گرج چمک کے ساتھ چند مقامات پر بارش ہو سکتی ہے۔

کشمیر اور گلگت بلتستان میں موسم

کشمیر اور گلگت بلتستان میں مطلع جزوی ابر آلود رہنے کا امکان ہے جبکہ گلگت بلتستان میں تیز ہواؤں اور گرج چمک کے ساتھ چند مقامات پر بارش کی پیشگوئی ہے۔