پی ٹی آئی انٹرا پارٹی انتخابات فیصلے کے خلاف نظرثانی درخواست پر سماعت آج ہوگی

پی ٹی آئی انٹرا پارٹی انتخابات پر نظر ثانی درخواست

اسلام آباد(ڈیلی پاکستان آن لائن) سپریم کورٹ میں پی ٹی آئی انٹرا پارٹی انتخابات فیصلے کیخلاف دائر نظر ثانی درخواست پر سماعت آج ہوگی۔

یہ بھی پڑھیں: سونے کی فی تولہ قیمت میں 1700 روپے کمی

سماعت کی تفصیلات

نجی ٹی وی چینل دنیا نیوز کے مطابق چیف جسٹس قاضی فائز عیسیٰ کی سربراہی میں تین رکنی خصوصی بنچ ساڑھے گیارہ بجے سماعت کرے گا، جسٹس محمد علی مظہر اور جسٹس مسرت ہلالی تین رکنی خصوصی بنچ کا حصہ ہیں۔

یہ بھی پڑھیں: اسلام آباد، شراب کے نشے میں دھت شہری کا ٹریفک پولیس اہلکاروں پر تشدد، ویڈیو سامنے آگئی

کیس کی پس منظر

یاد رہے کہ سپریم کورٹ نے کیس کے فریقین کو نوٹس جاری کر رکھے ہیں۔ پی ٹی آئی وکیل حامد خان نے گزشتہ روز فیملی مصروفیت کے باعث التوا کی درخواست دائر کر رکھی ہے۔ چیف جسٹس قاضی فائز عیسیٰ کی سربراہی میں تین رکنی بنچ نے 13 جنوری 2024 کو متفقہ فیصلہ سناتے ہوئے پشاور ہائی کورٹ کا فیصلہ کالعدم قرار دیا تھا۔

انتخابی نشان کی واپسی

عدالت نے انٹرا پارٹی انتخابات کی بنیاد پر پاکستان تحریک انصاف سے بلے کا انتخابی نشان واپس لے لیا تھا۔ عدالت نے الیکشن کمیشن کی اپیل منظور کرتے ہوئے قرار دیا تھا کہ پشاور ہائی کورٹ میں پی ٹی آئی کی درخواست قابل سماعت ہی نہیں تھی.