جہلم میں مبینہ طور پر موبائل فون رکھنے کے الزام پر بہو کو سسرالیوں نے بدترین تشدد کا نشانہ بنا ڈالا

واقعہ کی تفصیلات

جہلم (ڈیلی پاکستان آن لائن) مبینہ طور پر موبائل فون رکھنے کے الزام پر بہو کو سسرالیوں نے بدترین تشدد کا نشانہ بنا ڈالا۔ متاثرہ خاتون کو ڈی ایچ کیو اسپتال منتقل کیا گیا، جبکہ پولیس نے پانچ افراد کے خلاف مقدمہ درج کر کے تین ملزمان کو گرفتار کر لیا ہے۔

یہ بھی پڑھیں: وفاقی ٹیکس محتسب نے ایف بی آر کے کرپٹو کرنسی پر ٹیکس پالیسی مرتب نہ کرنے پر سخت نوٹس لے لیا

تشدد کے طریقہ کار

متاثرہ خاتون کے مطابق اس پر بے بنیاد الزامات لگا کر اس کے کردار پر شک کیا گیا اور پھر اسے مبینہ طور پر برہنہ کر کے لوہے کے گرم پائپوں سے تشدد کا نشانہ بنایا گیا۔ خاتون کا کہنا ہے کہ اس کا شوہر بھی مبینہ طور پر اس پر تشدد میں شامل رہا اور اس کے کان پلاس سے کھینچتا رہا۔

پولیس کی کارروائی

پولیس کے مطابق واقعہ کا مقدمہ درج کر لیا گیا ہے اور شوہر، ساس اور جیٹھانی کو گرفتار کر لیا گیا ہے۔ جبکہ مزید دو ملزمان کی گرفتاری کے لیے چھاپے مارے جا رہے ہیں۔