سعودی عرب اور قطر نے ایک ایک ارب جبکہ متحدہ عرب امارات نے غزہ کے لیے 1.2 ارب ڈالر دینے کا اعلان کردیا

غزہ کی حمایت میں اہم مالی امداد

واشنگٹن (ڈیلی پاکستان آن لائن) غزہ بورڈ آف پیس کے اجلاس میں غزہ کے لیے سعودی عرب نے 1 ارب ڈالر، متحدہ عرب امارات نے 1.2 ارب ڈالر اور قطر نے ایک ارب ڈالر دینے کا اعلان کیا ہے۔

یہ بھی پڑھیں: آغا سراج درانی کی وفات کے بعد خالی ہونے والی نشست آغا شہباز درانی نے جیت لی

سعودی عرب کی جانب سے اعلان

تفصیلات کے مطابق سعودی عرب کے وزیر مملکت عادل الجبیر نے اجلاس سے خطاب کرتے ہوئے غزہ کے لیے ایک ارب ڈالر فراہم کرنے کا اعلان کیا۔ انہوں نے کہا کہ سعودی عرب امن اور انصاف کے ساتھ کھڑا ہے اور مشرق وسطیٰ میں پائیدار امن کا قیام مسئلے کے منصفانہ حل سے ہی ممکن ہے۔ سعودی عرب ترقی اور خوشحالی کے لیے اقدامات جاری رکھے گا۔

یہ بھی پڑھیں: 36 سال بعد بھارتی ٹیم کو ہوم گراؤنڈ پر نیوزی لینڈ کے ہاتھوں شکست

متحدہ عرب امارات کی حمایت

متحدہ عرب امارات کے وزیر خارجہ شیخ عبداللہ بن زید النہیان نے کہا کہ ان کا ملک غزہ کی حمایت کے لیے 1.2 ارب ڈالر فراہم کرے گا۔ انہوں نے مشرق وسطیٰ میں پائیدار امن کو خطے کی اہم ضرورت قرار دیا۔

قطر کی اقدامات

قطری وزیراعظم محمد بن عبدالرحمان الثانی نے بورڈ آف پیس سے خطاب کرتے ہوئے کہا کہ قطر غزہ میں امن کے لیے پرعزم ہے اور انہوں نے بورڈ آف پیس کے لیے ایک ارب ڈالر دینے کا اعلان کیا۔ انہوں نے بتایا کہ ٹرمپ کی قیادت میں کونسل کسی قسم کی تاخیر کے بغیر امن معاہدے پر کام کرے گی۔