پاکستان کے ساتھ کھیلنے کا تجربہ ہے اور ہم جانتے ہیں کیا پلان کرنا ہے، سپر ایٹ کے اہم میچ سے پہلے کیوی کرکٹر مارک چیمپمین کا بیان

ٹی ٹوئنٹی ورلڈکپ کا آغاز

کولمبو (ڈیلی پاکستان آن لائن) کل ٹی ٹوئنٹی ورلڈکپ کے سُپر ایٹ مرحلے کا آغاز پاکستان اور نیوزی لینڈ کے میچ سے ہوگا۔

یہ بھی پڑھیں: حالیہ مون سون میں بارشوں کے دوران ملک میں جاں بحق افراد کی تعداد 288 ہو گئی

مارک چیپمین کا بیان

نیوزی لینڈ کے مارک چیپمین نے پریس کانفرنس کرتے ہوئے کہا کہ ہمیں پاکستان کے ساتھ کھیلنے کا تجربہ ہے اور ہم جانتے ہیں کیا پلان کرنا ہے۔ انہوں نے مزید کہا کہ اس خطے میں کنڈیشنز ایسی ہوتی ہیں کہ ٹاس اہم بن جاتا ہے، ہمارے پلیئرز نے یہاں کرکٹ کھیلی ہوئی ہے اس لیے انہیں کنڈیشنز کا علم ہے۔

یہ بھی پڑھیں: آئندہ 15 روز کیلئے پیٹرولیم مصنوعات کی قیمتوں سے متعلق اہم خبر

پچز کی حالت اور بولرز کی مشکلات

چیپمین نے بتایا کہ انڈیا میں پچز بیٹرز کے لیے مددگار رہی ہیں جبکہ بولرز کو مشکلات کا سامنا کرنا پڑا ہے۔ انہوں نے کہا کہ ان کنڈیشنز میں اسپنرز اہم ہو سکتے ہیں، عثمان طارق کا منفرد ایکشن ہے، وہ کریز پر آ کر رکتے ہیں۔

یہ بھی پڑھیں: سی ٹی ڈی کے ایک ماہ کے دوران بڑے آپریشن، را ایجنٹ سمیت 49 دہشت گرد گرفتار

پاکستان کے اسپنرز کا ذکر

چیپمین کا کہنا تھا کہ پاکستان کے پاس اچھے اسپنرز ہوتے ہیں، ہر کوئی خطرہ ہوتا ہے۔ ماضی قریب میں پاکستان وہ واحد ٹیم ہے جس کے ساتھ ہم سب سے زیادہ کھیلے ہیں، ہمیں پاکستان کے ساتھ کھیلنے کا تجربہ ہے اور ہم جانتے ہیں کیا پلان کرنا ہے۔

اسپنرز کے خلاف حکمت عملی

انہوں نے مزید کہا کہ اسپنرز کے خلاف کھیلنے کے لیے آپ کو مختلف شاٹس پلان کرکے کھیلنا پڑتے ہیں۔ ہمارے پاس بھی بولرز ایسے ہیں جو ان کنڈیشنز میں مؤثر ثابت ہو سکتے ہیں۔ میچل سینٹنر پر جوش ہیں کہ وہ کل میدان میں اتریں گے، جبکہ لوکی فرگوسن دوبارہ ٹیم کو جوائن کر رہے ہیں، پلیئنگ الیون میں ہوں گے یا نہیں یہ نہیں کہہ سکتا۔