سندھ کے سب سے بڑے ڈکیت نے ہتھیار ڈال دیے

کراچی میں بڑی کامیابی

کراچی (ڈیلی پاکستان آن لائن) سندھ اور پنجاب کے کچے کے علاقوں میں آپریشن نجات مہران میں پولیس نے بڑی کامیابی حاصل کرلی۔ سندھ کے سب سے بڑے ڈکیت ثنا اللّٰہ شر نے ہتھیار ڈال دیے ہیں۔

یہ بھی پڑھیں: ایف بی آر کا ای انوائسنگ سسٹم ٹیکس دہندگان کے لیے وبال جان بن گیا، سلیم ولی محمد

آئی جی سندھ کا بیان

آئی جی سندھ جاوید عالم اوڈھو کا کہنا ہے کہ سندھ کے سب سے بڑے ڈکیت ثنا اللّٰہ شر عرف ثنو شر سمیت 13 ڈاکوؤں نے ہتھیار ڈال دیے ہیں۔ کچے کے علاقے میں ڈاکوؤں کا مکمل خاتمہ کردیا جائے گا۔

یہ بھی پڑھیں: فضائی حدود کی بندش، مودی کو جی 7 اجلاس سے واپسی پرکتنے گھنٹے کا اضافی سفر کرنا پڑا؟ جانئے

انعام اور اغوا برائے تاوان

انہوں نے مزید بتایا کہ سندھ حکومت نے ثنا اللّٰہ شر پر 1 کروڑ روپے انعام مقرر کیا تھا۔ جاوید عالم اوڈھو نے یہ بھی کہا کہ ثنا اللّٰہ شر کی گرفتاری کے بعد اغوا برائے تاوان کا باب اختتام کو پہنچے گا، کیونکہ اس کے ساتھیوں نے بھی ہتھیار پھینکنے شروع کر دیے ہیں۔

یہ بھی پڑھیں: نائیک سیف علی شہید نشان حیدر کو سروس چیفس کا خراج عقیدت

مجرم کی ماضی

ثنا اللّٰہ شر قبائلی تنازعات میں بھی ملوث رہا ہے اور وہ سندھ اور پنجاب کے کچے کے علاقوں میں سرگرم تھا، جس کی گرفتاری کو بہت بڑی کامیابی قرار دیا جا رہا ہے۔