پاکستان اسٹاک ایکسچینج میں مندی کا طوفان، ایک ماہ میں انڈیکس 21 ہزار پوائنٹس سے زائد گر گیا، سرمایہ کاروں کے اربوں روپے ڈوب گئے

پاکستان اسٹاک مارکیٹ میں مندی

کراچی(ڈیلی پاکستان آن لا) پاکستان اسٹاک مارکیٹ میں گزشتہ ایک ماہ سے جاری شدید مندی نے سرمایہ کاروں کے اربوں روپے ڈبو دیے ہیں۔ 25 جنوری سے اب تک کے ایس ای (KSE00) انڈیکس میں 11 فیصد کی بڑی کمی ریکارڈ کی گئی ہے۔

یہ بھی پڑھیں: انڈیا کے پاس کتنا زر مبادلہ ہے؟ جواب پاکستانیوں کے ہوش اڑا دے

مارکیٹ کی موجودہ صورتحال

مارکیٹ مجموعی طور پر 21,475 پوائنٹس گر چکی ہے، آج انڈیکس 167,691 پوائنٹس کی سطح پر بند ہوا، جو کہ 8 دسمبر کے بعد اب تک کی کم ترین سطح ہے۔ مارکیٹ میں جاری گراوٹ کے باعث حصص کی مالیت (مارکیٹ کیپیٹلائزیشن) میں بھی غیر معمولی کمی واقع ہوئی ہے۔

یہ بھی پڑھیں: اسلام آباد : جماعت اسلامی کے رہنما مشتاق احمد کی اہلیہ، بیٹی اور بیٹے کو گرفتار کرلیا گیا

سرمایہ کاروں کا خسارہ

سرمایہ کاروں کو مجموعی طور پر 2.248 ٹریلین روپے کا خسارہ برداشت کرنا پڑا، جس کے بعد مارکیٹ کی مجموعی مالیت کم ہو کر 18.971 ٹریلین روپے رہ گئی ہے۔ امریکی ڈالر کی قدر میں مارکیٹ کیپٹلائزیشن 10.6 فیصد یا 8 ارب ڈالر کی کمی کے ساتھ 68 ارب ڈالر پر آ گئی ہے۔

مارکیٹ میں گراوٹ کی وجوہات

معاشی تجزیہ کاروں کے مطابق مارکیٹ میں اس بڑی گراوٹ کی بنیادی وجوہات میں سیاسی غیر یقینی صورتحال، بلند شرح سود اور ملک میں مہنگائی کے بڑھتے ہوئے خدشات شامل ہیں۔ سرمایہ کاروں میں بے یقینی کے باعث بڑے پیمانے پر فروخت کا رجحان دیکھا جا رہا ہے۔