شہرِ قائد میں 24 گھنٹوں کے دوران ریبیز کا شکار مزید 2 افراد انتقال کر گئے

کراچی میں ریبیز کے کیسز

کراچی (ڈیلی پاکستان آن لائن) شہرِ قائد میں 24 گھنٹوں کے دوران مزید 2 افراد سک گزیدگی (ریبیز) کا شکار ہو کر انتقال کر گئے۔

یہ بھی پڑھیں: ماہرہ خان کا اپنے چہرے میں تبدیلی سے متعلق افواہوں پر ردعمل

پہلا کیس: 75 سالہ شخص

لیاری کے رہائشی 75 سالہ شخص کو گزشتہ روز جناح ہسپتال میں داخل کرایا گیا جو دوران علاج آج جانبر نہ ہوسکا۔ متاثرہ شخص کو تین ماہ قبل کتے نے پاؤں پر کاٹا تھا۔

یہ بھی پڑھیں: علی امین گنڈاپور: ایک پیادہ جو اپنی وزارت اعلیٰ بچانے کی کوشش کر رہا ہے، فیصل واوڈا

دوسرا کیس: 10 سالہ بچی

دوسری جانب میرپور خاص کی رہائشی 10 سالہ بچی کو 2 ماہ قبل چہرے پرکتے نے کاٹا تھا۔ متاثرہ بچی کو گزشتہ شب انڈس ہسپتال میں داخل کرایا گیا، اور آج دورانِ علاج وہ بھی انتقال کر گئی۔

یہ بھی پڑھیں: ستاروں کی روشنی میں آپ کا آج (بدھ) کا دن کیسا رہے گا ؟

اموات اور رپورٹ شدہ کیسز

دنیا ٹی وی کے مطابق رواں سال کے دوران کراچی میں ریبیز سے اموات کی تعداد 4 ہو گئی ہے، جب کہ کراچی کے پانچ بڑے ہسپتالوں میں تقریباً 8 ہزار افراد زخمی ہو کر رپورٹ ہو چکے ہیں۔

ڈاکٹرز کی ہدایات

علاوہ ازیں ڈاکٹرز کا کہنا تھا کہ مختلف ہسپتالوں میں ویکسین بھی موجود نہیں ہوتی۔ عوام میں آگاہی نہ ہونے کی وجہ سے لوگ ویکسین بھی نہیں لگواتے۔ عوام کو چاہیے کہ کتے کے کاٹنے کے بعد ویکسین لازمی لگوائیں۔