میں نے شاہین شاہ آفریدی کو غصہ دلایا تو وہ پرفارم کر گیا، سسر شاہد آفریدی کا بیان

شاہد آفریدی کی شاہین شاہ آفریدی پر گفتگو

لاہور (ڈیلی پاکستان آن لائن) سابق کرکٹر قومی ٹیم شاہد آفریدی کا کہنا ہے کہ میں نے شاہین شاہ آفریدی کو اپنی ٹیم سے ڈراپ کر کے غصہ دلایا تو وہ پرفارم کر گیا۔

شاہین کی کارکردگی کا راز

نجی ٹی وی پر گفتگو کرتے ہوئے شاہد آفریدی کا کہنا تھا کہ شاہین آفریدی میری پلیئنگ الیون میں شامل نہیں تھے لیکن مجھے یہ بھی پتہ تھا کہ اس سے کام کیسے لیا جاتا ہے۔ شاہین کو غصہ دلایا کہ سارے تو کہہ ہی رہے ہیں اب ذرا سسر کہہ کر دیکھے تو اسے غصہ آئے گا اور ایسا ہی ہوا ہے۔

آئندہ میچ کا اندازہ

انہوں نے کہا کہ اگلے میچ کا مجھ سے پوچھیں گے تو میں اس میں بھی شاہین آفریدی کو اپنی ٹیم میں شامل نہیں کروں گا، کچھ لوگوں کی انا کو اسی طرح مارو، شاہین کے دماغ کا مجھے اچھی طرح پتہ ہے۔

شاہد آفریدی کی بیٹی کی رائے

سابق کرکٹر کا کہنا تھا کہ لوگ کہیں گے کل اس نے پرفارم کر لیا تو ایسی باتیں کر رہا ہوں لیکن میں نے اپنی بیٹی کو بھی بتا دیا تھا۔ وہ کہہ رہی تھی کہ بابا آپ کی ٹیم میں شاہین نہیں ہیں تو میں نے کہا تھا کہ بیٹا میچ میں دیکھنا، اس کو جو بھی میچ ملے گا اس سے یہ بات برداشت نہیں ہوگی۔