چمن: گھر میں گیس سلنڈر کا دھماکہ، بچوں سمیت 7 افراد جاں بحق، 25 زخمی

چمن میں گیس سلنڈر دھماکہ

چمن (ڈیلی پاکستان آن لائن) - چمن کے علاقے طورپل میں ایک گھر میں گیس سلنڈر دھماکے کے نتیجے میں بچوں سمیت 7 افراد جاں بحق اور 25 زخمی ہوگئے۔

یہ بھی پڑھیں: حماس کی غزہ میں جنگ بندی کے بدلے 10 قیدیوں کو رہا کرنے کی پیشکش

دھماکے کی تفصیلات

پولیس کے مطابق ابتدائی معلومات کے مطابق یہ دھماکہ ایک گیس سلنڈر کا ہے۔ یہ واقعہ اس وقت پیش آیا جب لسی تقسیم کی جا رہی تھی اور بڑی تعداد میں بچے اور خواتین لسی لینے کے لیے وہاں موجود تھیں۔ اس دوران گھر کے کچن میں رکھا 20 کلو وزنی گیس سلنڈر دھماکے سے پھٹ گیا۔

یہ بھی پڑھیں: راحت فتح علی خان اور عاطف اسلم شادی کی تقریبات میں پرفارمنس کا کتنا معاوضہ لیتے ہیں؟

ہلاکتیں اور زخمی

ملبے سے 5 بچوں کی لاشیں نکالی جا چکی ہیں۔ دھماکے کی شدت سے گھر کے متعدد کمرے منہدم ہوگئے ہیں۔

امدادی کارروائیاں

پولیس نے مزید بتایا کہ دھماکے کے بعد بم ڈسپوزل سکواڈ کو بھی طلب کیا گیا ہے۔ امدادی کارروائیاں جاری ہیں۔