ایران کی جوابی کارروائی، اسرائیل پر میزائل داغ دیئے، اسرائیلی فوج کا دعویٰ

تہران (ویب ڈیسک) اسرائیلی فوج کا کہنا ہے کہ ایران نے بھی امریکہ اور اسرائیل کے حملوں کے جواب میں اسرائیل پر میزائل داغ دیئے۔
الجزیرہ کے مطابق اسرائیلی فوج کا کہنا ہے کہ ایران نے اسرائیل کی جانب میزائل داغے ہیں۔ اسرائیلی فوج کے مطابق ایران کی جانب سے داغے گئے میزائلوں کی نشاندہی کرلی گئی جو کہ اسرائیل کی طرف بڑھ رہے تھے، جس کے باعث ملک کے مختلف علاقوں میں سائرن بجائے گئے۔

یہ بھی پڑھیں: چین کے جوابی ٹیرف کی وجہ سے بے یقینی، امریکی ڈالر کی قیمت میں زبردست کمی

عوام کی سیکیورٹی کے لئے ہدایات

اسرائیلی فوج کا کہنا ہے کہ اپنی عوام سے گزارش ہے کہ ہوم فرنٹ کمانڈ کی ہدایات پر عمل کریں۔ اس وقت اسرائیلی فضائیہ خطرات کو روکنے اور جہاں ضروری ہو جوابی کارروائی کے ذریعے خطرات کو ختم کرنے کے لیے کارروائی کر رہی ہے۔

دفاعی نظام کی حدود

بیان میں مزید کہا گیا ہے کہ "دفاعی نظام مکمل طور پر ناقابلِ تسخیر نہیں ہے، اس لیے ضروری ہے کہ عوام ہوم فرنٹ کمانڈ کی ہدایات پر عمل جاری رکھیں۔ عوام سے ایک بار پھر درخواست ہے کہ ہوم فرنٹ کمانڈ کی ہدایات کی پابندی کریں۔"
خیال رہے کہ اسرائیل اور امریکہ کی جانب سے ایران پر پیشگی حملے کیے گئے ہیں۔ امریکی صدر کے مطابق حملوں کا مقصد ایران سے لاحق خطرات سے اپنے عوام کا بچاؤ ہے۔