کراچی اور لاہور میں امریکی قونصل خانوں کے باہر احتجاج، پولیس نے پیچھے دھکیل دیا
کراچی میں احتجاج کی لہر
کراچی (ڈیلی پاکستان آن لائن) ایرانی سپریم لیڈر آیت اللہ علی خامنہ ای کی شہادت کی خبر پھیلتے ہی کراچی میں امریکی قونصل خانے کے باہر احتجاج شروع ہو گیا۔
یہ بھی پڑھیں: ٹرمپ کا ایران سے متعلق تبصرہ “جواب دینے کے قابل نہیں” سپریم لیڈر کا رد عمل بھی آگیا
مظاہرین کی بڑی تعداد
نجی ٹی وی چینل دنیا نیوز کے مطابق کراچی میں مظاہرین کی بڑی تعداد امریکی قونصل خانے کے اطراف جمع ہو گئی۔ پولیس کی جانب سے مظاہرین کو منتشر کرنے کے لیے ہوائی فائرنگ اور شیلنگ شروع کر دی گئی، جس کے نتیجے میں مظاہرین کو پیچھے دھکیل دیا گیا۔
یہ بھی پڑھیں: آپریشن بنیان مرصوص پہلے ہی دن دشمن کو اس کی اوقات میں واپس لے آیا: وزیر تعلیم
ایڈیشنل آئی جی کی موجودگی
ایڈیشنل آئی جی کراچی آزاد خان بھی امریکی قونصل خانے پہنچ گئے، جبکہ مظاہرین نے سلطان آباد ٹریفک سیکشن نذر آتش کر دیا اور قونصل خانے کے باہر توڑ پھوڑ کی، جس پر رینجرز نے بھی مداخلت کی۔
یہ بھی پڑھیں: پاکستان کے خلاف مہم جوئی سے انکار پر مودی سرکار نے بھارتی جرنیل کی چھٹی کردی
ٹریفک کے بند ہونے کی صورتحال
کراچی سلطان آباد سے مائی کولاچی آنے جانے والے دونوں روڈ ٹریفک کے لیے بند کر دیئے گئے ہیں، جبکہ جناح برج سے آنے والا ٹریفک آئی آئی چندریگر روڈ بھیجا جا رہا ہے۔
یہ بھی پڑھیں: پنجاب میں جانوروں کی آلائشوں سے بائیوگیس کی تیاری کا تجربہ کامیاب
ٹریفک پولیس کی معلومات
کراچی کی ٹریفک پولیس کے مطابق پی آئی ڈی سی سے آنے والی ٹریفک پارک کٹ سے واپس بھیجی جارہی ہے۔ احتجاج کے باعث ٹریفک کی آمد و رفت معطل ہے۔
لاہور میں بھی احتجاج
دوسری جانب لاہور پریس کلب کے سامنے بھی مظاہرہ کیا گیا، جہاں مظاہرین نے امریکی قونصل خانے کے باہر توڑ پھوڑ کی، تاہم پولیس نے مظاہرین کو امریکی قونصلیٹ کے قریب جانے سے روک دیا۔
