پاکستان نے اپنے ہمسایوں کو مقدم رکھا اور واحد ملک ہے جس نے حملے کی مذمت کی : اعظم نذیر تارڑ

پاکستان کا موقف

اسلام آباد (ڈیلی پاکستان آن لائن) وزیر قانون اعظم نذیر تارڑ نے کہا ہے کہ پاکستان نے اپنے ہمسایوں کو مقدم رکھا ہے۔ پاکستان واحد ملک ہے جس نے حملے کی مذمت کی، بلکہ اسحاق ڈار نے ایرانی وزیر خارجہ سے بھی رابطہ کیا اور تنازع کو روکنے کی کوشش کی۔

یہ بھی پڑھیں: پاکستان کو اس وقت سیاسی استحکام اور قومی اتفاق رائے کی ضرورت ہے:صدر مملکت آصف علی زرداری

پارلیمنٹ میں گفتگو

تفصیلات کے مطابق قومی اسمبلی میں اظہار خیال کرتے ہوئے اعظم نذیر تارڑ کا کہنا تھا کہ ہم نے پاکستان نے اپنے ہمسایوں کو مقدم رکھا ہے۔ پاکستان واحد ملک ہے جس نے حملے کی مذمت کی۔ پاکستان کے وزیر خارجہ نے دو گھنٹوں میں ایران کے وزیر خارجہ عباس عراقچی سے رابطہ کیا اور یہ بھی کوشش کی کہ یہ تنازع پھیلے نہ اور سعودی عرب کے حوالے سے بھی بات کی۔ انہوں نے یہ یقین دہانی بھی کروائی کہ یہ زمین آپ کے خلاف استعمال نہیں ہو گی۔

یہ بھی پڑھیں: سیاستدانوں اور عوامی نمائندگان کی تمام غیر ضروری مراعات، پروٹوکول اور صوابدیدی اختیارات ختم کیے جائیں اور انہیں عام شہری کی کم از کم سطح پر لایا جائے۔

تحقیقات کا حکم

اعظم نذیر تارڑ نے مزید کہا کہ وزیراعظم نے گلگت بلتستان اور کراچی میں جو معاملہ ہوا اس کی تحقیقات کا حکم دیا ہے۔ سفارتخانے دراصل اسی ملک کی حدود ہی تصور ہوتے ہیں، اس لیے ان کا جھنڈا اس پر لگا ہوتا ہے۔ ہمیں بھی صبر کا دامن نہیں چھوڑنا چاہیے۔

مظاہرین سے اپیل

ہمارے لیے یہ ایک سبق ہے کہ ریاست کو اس سے بہت پہلے آہنی ہاتھوں سے نمٹنا چاہیے۔ جبکہ مظاہرین سے ہاتھ جوڑ کر اپیل کریں گے کہ آپ صبر کا دامن ہاتھ سے نہ چھوڑیں۔ آپ کی حکومت آج تک پوری طرح غیر جانبدار ہے، اور ہم کشیدگی میں کمی کی پوری کوشش کر رہے ہیں۔ وزیراعظم اور وزیر خارجہ کا بھی یہی بیانیہ ہے۔