مشرق وسطیٰ کی صورتحال: پاکستان سے آج مزید 84 پروازیں منسوخ

پاکستان میں پروازوں کی منسوخی

اسلام آباد(ڈیلی پاکستان آن لائن) مشرق وسطیٰ کی صورتحال کے باعث پاکستان کے مختلف ایئرپورٹس سے آج خلیجی ممالک کے مختلف سٹینز کی 84 پروازیں منسوخ ہوگئیں۔

یہ بھی پڑھیں: اڈیالہ جیل کے اطراف سیکیورٹی ہائی الرٹ، پولیس نے علیمہ خان کو بہنوں سمیت چکری ناکے پر روک لیا

ایئرپورٹس پر پروازوں کی تفصیلات

نجی ٹی وی چینل دنیا نیوز کے مطابق، کراچی ایئرپورٹ سے آج مشرق وسطیٰ کی 20 پروازیں منسوخ ہوئیں جبکہ اسلام آباد ایئرپورٹ سے 18 پروازیں منسوخ کی گئیں۔ اس کے علاوہ لاہور ایئرپورٹ پر 18، پشاور ایئرپورٹ پر 16، ملتان ایئرپورٹ پر 4 اور سیالکوٹ ایئرپورٹ پر 8 پروازیں منسوخ ہوئیں۔

یہ بھی پڑھیں: ایوان صدر نے واٹس ایپ چینل بنالیا، مرتضیٰ سولنگی اور دانیال گیلانی کی نگرانی میں کام کرے گا

منسوخ پروازوں کی فہرست

منسوخ پروازوں میں ایمریٹس اتحاد ایئر، گلف، ایئرعربیہ، پی آئی اے، ایئربلیو، قطر ایئرویز سمیت دیگر ملکی اور غیرملکی ایئرلائنز شامل ہیں۔

یہ بھی پڑھیں: نامعلوم شرپسندوں نے قلات مونومنٹ کو نذر آتش کردیا

مجموعی منسوخی کی تعداد

پاکستان سے 12 روز کے دوران خلیجی ممالک کی منسوخ پروازوں کی تعداد 1308 ہوگئی ہے۔ مشرق وسطیٰ میں جنگی صورتحال کے پیش نظر یو اے ای، قطر، ایران، کویت اور بحرین میں فضائی حدود بند ہیں۔

یہ بھی پڑھیں: ڈسکوز سپورٹ یونٹس کی کارکردگی، 2 لاکھ 21 ہزار مقامات پر بجلی چوری پکڑی، کتنے مقدمات اور گرفتاریاں ہوئیں؟ جانیے

حکام کی جانب سے جاری کردہ معلومات

حکام کے مطابق فضائی حدود بندش سے 28 فروری سے ہزاروں کی تعداد میں پاکستانی پھنسے ہوئے ہیں۔ اس وقت دوحہ، دبئی، ابوظہبی، شارجہ، بحرین سمیت دیگر ایئر پورٹس سے ریلیف پروازوں کی مشروط اجازت دی جا رہی ہے۔