شمالی وزیرستان میں دراندازی کی کوشش ناکام، متعدد افغان طالبان ہلاک

پاک افواج کا آپریشن غضب للحق

راولپنڈی(ڈیلی پاکستان آن لائن) آپریشن غضب للحق کے تحت پاک افواج کی افغان طالبان اور فتنہ الخوارج کے خلاف مؤثر کارروائیاں جاری ہیں۔

یہ بھی پڑھیں: غیرملکی اثاثوں اور بینک اکاؤنٹس کیخلاف درخواست 20ہزار جرمانے کیساتھ خارج

شمالی وزیرستان میں کارروائی

نجی ٹی وی چینل دنیا نیوز کے مطابق سکیورٹی ذرائع کا کہنا ہے کہ پاک فوج نے پاک افغان سرحد پر شمالی وزیرستان میں بروقت کارروائی کرتے ہوئے دراندازی کی بڑی کوشش ناکام بنا دی۔

یہ بھی پڑھیں: آئی جی اسلام آباد کے سکواڈ کی گاڑی کو حادثہ، پولیس اہلکار جاں بحق

افغان طالبان کی منصوبہ بندی ناکام

ذرائع کے مطابق، شمالی وزیرستان کے مواز کلے کے سرحدی علاقے میں افغان طالبان دراندازی کی منصوبہ بندی کر رہے تھے۔ پاک فوج کی مؤثر کارروائی کے دوران متعدد افغان طالبان جہنم واصل ہوئے جبکہ دیگر فوراً اپنی پوسٹیں چھوڑ کر فرار ہوگئے۔

یہ بھی پڑھیں: پاکستان کی ترقی کے لیے جو کام ہو رہا ہے، اللہ اس میں برکت ڈالے: نواز شریف کی لندن میں نماز عید کے بعد میڈیا سے گفتگو

مؤثر ضرب اور سکیورٹی کی صورتحال

سکیورٹی ذرائع کے مطابق پاک فوج نے افغان طالبان اور فتنہ الخوارج کے کمپاؤنڈ اور ٹھکانوں کو نشانہ بنا کر مکمل تباہ کر دیا ہے۔ آپریشن غضب للحق کے تحت کارروائیاں اہداف کے حصول تک جاری رہیں گی، اور پاک فوج علاقے میں سکیورٹی مضبوط رکھنے کے لیے بھی چوکس ہے۔

امن و امان کا قیام

سکیورٹی ذرائع نے مزید بتایا کہ آپریشن کا مقصد نہ صرف دہشت گردوں کا صفایا کرنا ہے بلکہ شمالی وزیرستان میں امن و امان کی صورت حال کو یقینی بنانا اور عوام کی حفاظت کرنا بھی ہے۔