شہرقائد میں پارہ 40ڈگری تک جانے کا امکان

کراچی میں گرم موسم کی پیش گوئی

کراچی (ڈیلی پاکستان آن لائن) محکمہ موسمیات نے گرم موسم جاری رہنے کا امکان ظاہر کرتے ہوئے پیش گوئی کی ہے کہ ہفتے کو شہر کا پارہ 40 ڈگری سینٹی گریڈ تک چھو سکتا ہے۔

یہ بھی پڑھیں: بھارت خود کو ہم سے 10 گنا بڑا ملک کہتا ہے لیکن لڑنے کے لیے دل گردہ بھی تو چاہیے، ہم چاہتے تو بھارت کے سارے جہاز گرا سکتے تھے، آصف زرداری

ہواؤں کی سمت میں تبدیلی

محکمہ موسمیات کے ارلی وارننگ سینٹر کی پیش گوئی کے مطابق شہر میں گرم موسم بدستور جاری رہنے کا امکان ہے اور ہفتے کو زیادہ سے زیادہ درجہ حرارت 40 ڈگری سینٹی گریڈ کو چھو سکتا ہے۔

محکمہ موسمیات کے مطابق سمندری ہوائیں مختصر وقت کے لیے غیرفعال ہونے کے سبب شہر میں گرمی کی شدت بڑھے گی، ہفتہ اور اتوار کو ہواؤں کی سمت بلوچستان کے شمال مشرق کی جانب سے رہے گی۔

یہ بھی پڑھیں: امریکہ نے ایران کے خلاف جنگ میں شامل ہونے کی اسرائیلی درخواست مسترد کردی

دیہی سندھ میں بارش کی توقع

مزید بتایا گیا کہ 20 اور 21 اکتوبر کے درمیان دیہی سندھ کے اضلاع عمرکوٹ اور تھرپارکر میں گرج چمک اور آندھی کے ساتھ بارش کا امکان ہے جبکہ صوبے کے دیگر اضلاع میں موسم گرم اور خشک رہنے کا امکان ہے۔