اختر مینگل کے بیان پر حکومتی و سیکیورٹی ذرائع کا ردِعمل

حکومت اور سیکیورٹی ذرائع کا ردِعمل

اسلام آباد (ڈیلی پاکستان آن لائن) بلوچستان نیشنل پارٹی (مینگل) کے سربراہ سردار اختر مینگل کے بیان پر حکومتی اور سیکیورٹی ذرائع کا ردِعمل آگیا۔

یہ بھی پڑھیں: آئینی ترامیم کے ذریعے آئین کی صورت کو تبدیل کرنے کی کوشش: شبلی فراز

اختر مینگل کی بیانیہ سازی پر تنقید

ذرائع کا کہنا ہے کہ اختر مینگل غلط بیانی اور مبالغہ آرائی سے کام لے رہے ہیں۔ اختر مینگل نہ صرف آزادی سے گھوم پھر رہے ہیں بلکہ میڈیا سے بات چیت بھی کر رہے ہیں۔ حیرانی ہے کہ وہ پارٹی پر ہونے والے ظلم و جبر کی افسانوی داستان بھی سنا رہے ہیں۔

یہ بھی پڑھیں: بھارت کی سب سے امیر گلوکارہ کا نام سامنے آگیا

سینیٹرز کی موجودگی کی تصدیق

حکومتی اور سیکیورٹی ذرائع نے کہا کہ سینیٹر نسیمہ احسان پارلیمنٹ لاجز میں موجود ہیں، وہ دو دن پہلے سینیٹ کے اجلاس میں بھی حاضر تھیں۔ سینیٹر قاسم رونجھو بھی اپنے گھر پر موجود ہیں۔ تھوڑی دیر پہلے قاسم رونجھو کے بیٹے نے اپنے والد کی خیر خیریت کی پوسٹ کی۔