کورئیر کا روپ دھار کر ڈاکو بھارتی سائنسدان سے 2 کروڑ روپے لے اڑے

نئی دہلی میں ڈاکوؤں کا وار

نئی دہلی (ڈیلی پاکستان آن لائن) کورئیر ملازمین کا روپ دھار کر دو ڈاکوؤں نے سابق سائنسدان اور ان کی اہلیہ کو گھر کے اندر لوٹ لیا۔

یہ بھی پڑھیں: عادل خان بازئی کی نااہلی کے ریفرنس پر جلد فیصلہ کرنے کیلئے الیکشن کمیشن کو تیسرا خط

واقعہ کی تفصیلات

بھارتی میڈیا رپورٹس کے مطابق یہ واقعہ دارالحکومت دہلی کے علاقے پرشانت وہار میں پیش آیا، جب دو ڈاکوؤں نے بھارتی شہری کو کورئیر کمپنی کا ملازم ظاہر کیا، اور پھر گھر میں داخل ہو کر بندوق دکھا کر ان سے تقریباً 2 کروڑ روپے کی نقدی اور زیورات چرا کر فرار ہو گئے۔

یہ بھی پڑھیں: 10 ٹرینیں آوٹ سورس کی جائیں گی: وفاقی وزیر ریلوے

محرکات اور مزاحمت

رپورٹ کے مطابق پرشانت وہار کے رہائشی شیبو سنگھ اپنی اہلیہ نرملا کے ساتھ گھر پر موجود تھے۔ پولیس افسر نے بتایا کہ گھر میں داخل ہونے کے بعد انہوں نے شیبو اور اس کی بیوی نرملا کو بندوق کی نوک پر یرغمال بنا لیا۔

یہ بھی پڑھیں: آن لائن کاروبار کو ٹیکس کے دائرہ میں لانے کے لئے نئے قواعد و ضوابط جاری

پولیس کی کارروائی

بھارتی پولیس افسر نے بتایا کہ شیبو سنگھ کے مزاحمت کرنے پر ملزم نے انہیں تشدد کا نشانہ بنایا۔ انہوں نے پولیس کو بتایا کہ ملزمان ان کے گھر سے 2 کروڑ روپے کی نقدی اور زیورات لے کر فرار ہو گئے۔

تحقیقات اور اقدامات

ایک سینئر پولیس افسر کے مطابق پولیس ٹیم نے متاثرین کے گھر پہنچ کر جائے وقوعہ سے شواہد اکٹھے کئے۔ دونوں زخمی میاں بیوی کو طبی معائنے کے لیے ہسپتال لے جایا گیا جس کے بعد مزید تفتیش شروع کر دی گئی۔ پولیس نے مزید کہا کہ ملزمان کی شناخت اور ان کی گرفتاری کے لیے کم از کم چھ پولیس ٹیمیں تشکیل دی گئی تھیں۔