کورئیر کا روپ دھار کر ڈاکو بھارتی سائنسدان سے 2 کروڑ روپے لے اڑے

نئی دہلی میں ڈاکوؤں کا وار

نئی دہلی (ڈیلی پاکستان آن لائن) کورئیر ملازمین کا روپ دھار کر دو ڈاکوؤں نے سابق سائنسدان اور ان کی اہلیہ کو گھر کے اندر لوٹ لیا۔

یہ بھی پڑھیں: سہیلیوں کو لگتا ہے کہ میں بہت زیادہ خوبصورت ہوں اور ان کے شوہر چھین لوں گی

واقعہ کی تفصیلات

بھارتی میڈیا رپورٹس کے مطابق یہ واقعہ دارالحکومت دہلی کے علاقے پرشانت وہار میں پیش آیا، جب دو ڈاکوؤں نے بھارتی شہری کو کورئیر کمپنی کا ملازم ظاہر کیا، اور پھر گھر میں داخل ہو کر بندوق دکھا کر ان سے تقریباً 2 کروڑ روپے کی نقدی اور زیورات چرا کر فرار ہو گئے۔

یہ بھی پڑھیں: 29 سالہ خاتون کو 4 بچوں سمیت راستے سے اغوا کرلیا گیا، مقدمہ درج

محرکات اور مزاحمت

رپورٹ کے مطابق پرشانت وہار کے رہائشی شیبو سنگھ اپنی اہلیہ نرملا کے ساتھ گھر پر موجود تھے۔ پولیس افسر نے بتایا کہ گھر میں داخل ہونے کے بعد انہوں نے شیبو اور اس کی بیوی نرملا کو بندوق کی نوک پر یرغمال بنا لیا۔

یہ بھی پڑھیں: آج کی بہترین ویڈیو، پاک چین بارڈر پر دونوں ملکوں کے فوجی اہلکاروں کے بھنگڑے، دونوں فوجوں کی دوستی کی نئی مثال قائم

پولیس کی کارروائی

بھارتی پولیس افسر نے بتایا کہ شیبو سنگھ کے مزاحمت کرنے پر ملزم نے انہیں تشدد کا نشانہ بنایا۔ انہوں نے پولیس کو بتایا کہ ملزمان ان کے گھر سے 2 کروڑ روپے کی نقدی اور زیورات لے کر فرار ہو گئے۔

تحقیقات اور اقدامات

ایک سینئر پولیس افسر کے مطابق پولیس ٹیم نے متاثرین کے گھر پہنچ کر جائے وقوعہ سے شواہد اکٹھے کئے۔ دونوں زخمی میاں بیوی کو طبی معائنے کے لیے ہسپتال لے جایا گیا جس کے بعد مزید تفتیش شروع کر دی گئی۔ پولیس نے مزید کہا کہ ملزمان کی شناخت اور ان کی گرفتاری کے لیے کم از کم چھ پولیس ٹیمیں تشکیل دی گئی تھیں۔