سموگ سے بچاؤ کیلئے مصنوعی بارش کے انتظامات مکمل،50 سے 70 لاکھ خرچ آئیگا، مریم اورنگزیب

لاہور میں سموگ سے بچاؤ کیلئے اقدامات

لاہور(ڈیلی پاکستان آن لائن) سینئر صوبائی وزیر مریم اورنگزیب نے کہا ہے کہ سموگ سے بچاؤ کیلئے مصنوعی بارش کے انتظامات مکمل ہیں، ایک بار مصنوعی بارش پر 50 سے 70 لاکھ روپے خرچ آتا ہے۔

یہ بھی پڑھیں: ویڈیو: بیوروکریسی کو پٹرول مفت، عوام کو ۳۲۱ روپے، پٹرول و ڈیزل کی خریداری پرانی قیمت پر، فروخت نئی قیمت پر۔۔۔

مصنوعی بارش کے حوالے سے بیان

نجی ٹی وی چینل دنیا نیوز کے مطابق مریم اورنگزیب کا کہنا تھا کہ سموگ سے بچاؤ کیلئے بوقت ضرورت مصنوعی بارش کی جائے گی، مصنوعی بارش اور دیگر اقدامات کیلئے وسائل مہیا کر دیئے گئے ہیں۔ محکمہ موسمیات کی معاونت سے مصنوعی بارش ہو گی۔

یہ بھی پڑھیں: وینزویلا کے ساتھ کشیدگی میں اضافہ، امریکہ نے کیریبیئن میں فوجی تعیناتی بڑھا دی، ایئر کرافٹ کیریئر پہنچ گیا

انتظامی اقدام

ان کا کہنا تھا کہ سموگ کی شدت کی صورت میں انتظامی اقدامات کو حتمی شکل دے دی گئی ہے، بین الاقوامی معیار کے مطابق مصنوعی بارش کی جائے گی۔ سینئر صوبائی وزیر نے کہا کہ دھواں چھوڑنے والی گاڑیوں اور کارخانوں کے خلاف کریک ڈاؤن جاری ہے۔

ماحولیاتی آلودگی کا کنٹرول

ماحولیاتی آلودگی کنٹرول کر لیں تو مصنوعی بارش کی ضرورت نہیں ہوگی۔