بلاول کی گزشتہ شب ن لیگ کے 2 سینئر وزرا سے ملاقات، اندرونی کہانی سامنے آگئی

چیئرمین پیپلز پارٹی کی ملاقات

اسلام آباد (ڈیلی پاکستان آن لائن) چیئرمین پیپلز پارٹی بلاول بھٹو زرداری نے گزشتہ شب پارلیمنٹ ہاﺅس میں مسلم لیگ (ن) کے 2 سینئر وزرا سے ملاقات کی۔

یہ بھی پڑھیں: پی ٹی آئی رہنما جیل سے رہا

آئینی ترامیم پر گفتگو

ذرائع کے مطابق سینئر لیگی وزرا کا بلاول بھٹو سے کہنا تھا کہ آئینی ترامیم کے مجوزہ بل پر مزید تاخیر ہو رہی ہے، تو دیگر آپشنز استعمال کرتے ہوئے حتمی مسودے سے پہلے والے مسودے پر کیوں واپس نہیں جا رہے؟

یہ بھی پڑھیں: مودی سرکار کا بھارت میں ایک اور انتہائی اقدام، ریاستوں میں بے چینی، امریکی اخبار نے ’’نیا سیاسی خطرہ‘‘ قرار دیدیا

مسودے پر غور و فکر

ذرائع کا کہنا ہے کہ اگر مولانا فضل الرحمان کے آئینی ترامیم کے موجودہ بل پر اتفاق کے باوجود معاملہ تاخیر کا شکار ہوتا ہے، تو اس سے پہلے والے آئینی ترامیم کے مسودے پر جانا چاہئے۔

یہ بھی پڑھیں: 13 شادیاں کرنے والی فرضی دلہنوں کا گینگ بے نقاب، کتنی خواتین گرفتار ہوئیں؟ جانیے

بلاول بھٹو کی رائے

ذرائع کے مطابق بلاول بھٹو زرداری کا کہنا تھا کہ وسیع تر قومی مفاد کے لئے مولانا فضل الرحمان کو منانے کی کوشش کی جا رہی ہے، اور کوشش ہے کہ مکمل اتفاق رائے سے آئینی ترامیم منظور کرائی جائیں۔

انتظار کی ضرورت

بلاول بھٹو زرداری کا یہ بھی کہنا تھا کہ مکمل اتفاق رائے کے لئے مولانا فضل الرحمان نے ایک دن مانگا ہے، اس لئے تھوڑا اور انتظار کرکے دیکھ لینا چاہئے۔