اب اس ملک میں ترمیم ترمیم ترمیم ہوگی، سینیٹر فیصل واوڈا

سینیٹر فیصل واوڈا کا بیان

اسلام آباد (ڈیلی پاکستان آن لائن) سینیٹر فیصل واوڈا کا کہنا ہے کہ پاکستان میں نوٹ اور ووٹ کبھی ختم نہیں ہوں گے۔

یہ بھی پڑھیں: ذرا سی غفلت ریلوے کے سارے حفاظتی نظام کو تہہ و بالا کر دیتی ہے، سیکڑوں معصوم زندگیاں داؤ پر لگ جاتی ہیں، جواب دہ کانٹے والا بھی ہوتا ہے۔

آئینی ترامیم پر گفتگو

سینیٹ سے 26 ویں آئینی ترامیم منظور ہونے کے بعد میڈیا سے گفتگو کرتے ہوئے سینیٹر فیصل واوڈا نے کہا کہ آئندہ کوئی بھی باپ کا باپ بننے کی کوشش نہیں کرے گا۔ اب اس ملک میں ترمیم ترمیم ترمیم ہوگی، اس ملک میں ترقی ترقی ترقی ہوگی، وکٹری کا نشان تاریخ میں لکھا جائے گا۔ مشکلات آتی رہیں گی اور آگے بڑھتے رہیں گے۔

یہ بھی پڑھیں: بھارت بیروزگاروں کا ملک بن گیا، 10 کروڑ نوجوانوں نے مایوس ہو کر کام کی تلاش ہی ترک کردی

تحریک انصاف کے بانی پر تنقید

سینیٹر فیصل واوڈا کا کہنا تھا کہ بانی تحریک انصاف پھنس چکے ہیں۔ ان کی طرف سے پارٹی رہنماؤں کو گالی سننا پڑی۔ 18 اکتوبر کو پی ٹی آئی کے دھرنے میں مکھی بھی نہیں نکلی، اور میں نے سیٹ بھی بانی تحریک انصاف کے منہ پر مار دی تھی۔

یہ بھی پڑھیں: جدہ میں عمرہ زائرین کی بس کو حادثہ، 3 خواتین سمیت 5 پاکستانی جاں بحق

سیاسی تجربات کا ذکر

فیصل واوڈا نے کہا کہ جب بانی تحریک انصاف لاہور میں تھے تو مجھے بلایا گیا تھا۔ اس وقت کہا تھا کہ میں رات کے اندھیرے میں نہیں آؤں گا۔ اگر بانی تحریک انصاف بلائیں گے تو جاؤں گا، کیونکہ مجھے سیاست بانی تحریک انصاف نے سکھائی ہے۔ اب تحریک انصاف کے پاس کچھ نہیں بچا، سب کی باتیں دھری کی دھری رہ گئیں۔

یہ بھی پڑھیں: اسلام آباد ہائیکورٹ کا بانی پی ٹی آئی کے چیک اپ کیلئے میڈیکل بورڈ تشکیل دینے کا حکم

غلط فہمیوں کا ازالہ

بندے توڑنے والی بات بھی جھوٹ ثابت ہوئی۔ اچھا ہوا، جن کے بغیر ہونا تھا وہ بھی آگئے۔ پاکستان میں نوٹ اور ووٹ کبھی ختم نہیں ہوں گے۔

یہ بھی پڑھیں: عقیل، مزمل، شعیب خواجہ افتخار میموریل ٹینس سیمی فائنلز میں پہنچ گئے

سالگرہ اور خوشیاں

ان کا کہنا تھا کہ آج میری سالگرہ بھی ہے، آئینی ترمیم کی خوشی کا دن بھی ہے۔ ابھی تو ڈگی سے یہ کیک نکالا ہے، ترمیم کے لئے ڈگی کھولنے کی ضرورت ہی نہیں پڑی، گاڑی کی ڈگی کھلے بغیر ہی ووٹ زیادہ ہوگئے۔