اہلیہ سے تعلق کے شک پر ملزم نے گولیاں چلادیں،2افرادقتل

واقعہ کی تفصیلات

لاہور (ڈیلی پاکستان آن لائن) بند روڈ تھانہ شیراکوٹ کی حدود میں بابو صابو ٹرک اڈہ کے قریب مسلح افراد کی فائرنگ سے دو شہری ہلاک ہوگئے جبکہ ملزم کو موقع سے زخمی حالت میں گرفتار کر لیا گیا۔

یہ بھی پڑھیں: گزارا وقت شاندار تھا، بہت محبت ملی، ماتحتوں سے، کولیگزسے اور عام پبلک سے بھی۔ تبادلہ تکلیف دہ تھا، بہت سی آنکھیں اشک بار تھیں، عجیب سماں تھا۔

فائرنگ کا سبب

پولیس کے مطابق فائرنگ کا واقعہ دو پارٹیوں میں جھگڑے کے باعث پیش آیا۔ جاں بحق ہونے والے افراد کی شناخت عامر اور شمشیر کے نام سے ہوئی ہے جبکہ پولیس نے موقع پر پہنچ کر جائے وقوعہ سے آفاق نامی ایک ملزم کو گرفتار کر لیا جس کے قبضے سے دو پسٹل بھی برآمد کیے گئے۔

یہ بھی پڑھیں: نہایت افسوسناک واقعہ: دریائے راوی میں ڈوب کر 3 بچے جاں بحق، وزیراعلیٰ مریم نواز کا گہرے دکھ کا اظہار

ملزمان کی تفصیلات

پولیس کا کہنا ہے کہ گرفتار ملزم آفاق اپنے دوستوں شمشیر اور ذوہیب کے ہمراہ شیخوپورہ سے آیا تھا۔ تینوں ملزمان نے فائرنگ کر کے عامر کو قتل کیا جبکہ ملزموں کی اپنی ہی فائرنگ سے ان کا ساتھی شمشیر بھی مارا گیا۔

یہ بھی پڑھیں: ڈاکٹر طارق عزیز ایک ہمہ جہت اور ہردلعزیز شخصیت ہیں: پیپلز یوتھ آرگنائیزیشن گلف ریجن

تحقیقات جاری

پولیس کے مطابق مقتول عامر کا ملزم آفاق کی اہلیہ کے ساتھ تعلق دوہرے قتل کی وجہ بنا۔ پولیس موقع پر پہنچ گئی اور مزید تحقیقات کی جا رہی ہیں۔

یہ بھی پڑھیں: سرگودھا؛ جوڈیشل کمپلیکس حملہ کیس کا فیصلہ بھی آ گیا، گرفتار ملزم اسماعیل کو 25سال قید کی سزا،احمد خان بھچر، رانا بلال اور احمد چٹھہ سمیت 50ملزم اشتہاری قرار

اعلیٰ حکام کا نوٹس

ڈی آئی جی آپریشز فیصل کامران نے واقعہ کا نوٹس لیتے ہوئے ایس پی اقبال ٹاؤن سے واقعہ کی رپورٹ طلب کر لی۔

مقتول کی شناخت

ترجمان ڈی آئی جی آپریشنز کے مطابق مقتول عامر نواں کوٹ کا رہائشی تھا اور بابو صابو ٹرک اڈہ پر مکینک تھا۔ جبکہ ملزمان آفاق، زوہیب اور شمشیر شیخوپورہ کے رہائشی ہیں جنہوں نے سابقہ فیملی جھگڑے کی بنا پر عامر نامی مکینک پر حملہ کر کے قتل کیا ہے۔