بانی پی ٹی آئی کی ذاتی معالج سے معائنے کی درخواست پر سپرنٹنڈنٹ اڈیالہ جیل کو نوٹس جاری

اسلام آباد ہائیکورٹ کا فیصلہ

اسلام آباد (ڈیلی پاکستان آن لائن) اسلام آباد ہائیکورٹ نے بانی پی ٹی آئی کی ذاتی معالج سے معائنے کی درخواست پر سپرنٹنڈنٹ اڈیالہ جیل کو کل کیلئے نوٹس جاری کر دیا۔

یہ بھی پڑھیں: آنر کا نیا سمارٹ فون نئے فیچرز کے ساتھ متعارف، قیمت کتنی ہے؟

درخواست کی سماعت

اسلام آباد ہائیکورٹ میں بانی پی ٹی آئی کی ذاتی معالج سے میڈیکل چیک اپ کی درخواست پر سماعت ہوئی۔ جسٹس میاں گل حسن اورنگزیب نے درخواست پر سماعت کی، بانی پی ٹی آئی کے وکیل خالد یوسف چودھری عدالت کے سامنے پیش ہوئے۔

یہ بھی پڑھیں: حکومت نے پاسپورٹس کی نئی فیسوں کا اعلان کر دیا

عدالت کا سوال

سٹیٹ کونسل نے بتایا کہ ڈاکٹر بانی پی ٹی آئی کا ایک دن میں تین دفعہ چیک اپ کرتا ہے، 15 اکتوبر کو پمز کا میڈیکل بورڈ نے بھی چیک کیا۔ عدالت نے استفسار کیا کہ اگر ڈاکٹر فیصل طبی معائنہ کرلیں تو اس میں آخر حرج کیا ہے؟

نوٹس اور مزید سماعت

جسٹس میاں گل حسن اورنگزیب نے کہا کہ کل کیلئے نوٹس کررہا ہوں اور کل درخواست پر فیصلہ کروں گا۔ عدالت نے بانی پی ٹی آئی کی ذاتی معالج سے میڈیکل چیک اپ کی درخواست پر سپرنٹنڈنٹ اڈیالہ جیل کو کل کیلئے نوٹس جاری کر دیا اور مزید سماعت کل تک ملتوی کر دی۔