رواں برس سموگ میں اضافے کا خدشہ ہے: محکمہ موسمیات نے خطرے کی گھنٹی بجادی

محکمہ موسمیات کی پیشگوئی

اسلام آباد(ڈیلی پاکستان آن لائن) محکمہ موسمیات نے موسمیاتی تبدیلیوں کے باعث رواں برس سموگ میں واضح اضافے کا خدشہ ظاہر کردیا۔

یہ بھی پڑھیں: وزیراعلیٰ کا گوجرانوالہ میں 13 سالہ گھریلو ملازمہ کے قتل کا نوٹس، آر پی او سے رپورٹ طلب

سموگ کے دوران متوقع تبدیلیاں

محکمہ موسمیات کے مطابق عمومی طور پر سموگ نومبر سے دسمبر کے دوران جاری رہتی ہے تاہم اس مرتبہ موسمیاتی تبدیلیوں کے باعث سموگ میں اضافے کا خدشہ ہے۔

یہ بھی پڑھیں: بھارت کی تنظیم نے جیل میں قید گینگسٹر لارنس بشنوئی کا انکاؤنٹر کرنے والے پولیس اہلکار کے لیے ایک کروڑ انعام کا اعلان کردیا

سبب اور اثرات

دوسری جانب فیکٹریوں کی آلودگی اور گاڑیوں کا دھواں بھی سموگ بڑھنے کا باعث بن سکتے ہیں۔ محکمہ موسمیات نے رواں برس پاکستان کے چند بڑے شہروں میں سموگ بڑھنے کا خدشہ ظاہر کیا ہے جن میں لاہور، گوجرانوالہ، شیخوپورہ، قصور اور فیصل آباد شامل ہیں۔

یہ بھی پڑھیں: اسحاق ڈارکی افغان وزیرداخلہ سراج الدین حقانی سے ملاقات، سیکیورٹی امورپرتفصیلی تبادلۂ خیال

صحت کے خطرات

محکمہ موسمیات کے مطابق سموگ میں اضافہ شہریوں کی صحت اور ماحول کو بھی آلودہ کرسکتا ہے۔ سموگ کے دوران حد نگاہ کم ہونے کے باعث ٹریفک حادثات کا خطرہ بھی زیادہ ہے۔

بچوں اور معمر افراد پر اثرات

اس کے علاوہ سموگ سے متاثرہ شہروں میں دمہ کا مرض بڑھ سکتا ہے۔ بچے، بزرگ اور قوت مدافعت کی کمی کا شکار افراد زیادہ متاثر ہو سکتے ہیں۔