نئے چیف جسٹس کی تقرری کیلئے خصوصی پارلیمانی کمیٹی کا اجلاس جاری

اجلاس کا آغاز

اسلام آباد(ڈیلی پاکستان آن لائن ) 26 ویں آئینی ترمیم کے نفاذ کے بعد نئے چیف جسٹس کی تقرری کے لئے خصوصی پارلیمانی کمیٹی کا جلاس شروع ہوگیا۔

یہ بھی پڑھیں: غزہ میں بورڈ آف پیس ممالک کے ہزاروں فوجی اہلکار تعینات ہوں گے، ٹرمپ کا بڑا اعلان

اجلاس کی تفصیلات

12 رکنی خصوصی پارلیمانی کمیٹی کا بند کمرہ اجلاس پارلیمنٹ ہاوس کے کمیٹی روم 5 میں ہو رہا ہے۔ سنی اتحاد کونسل کے ارکان نے اجلاس کا بائیکاٹ کیا ہے تاہم ان کے 3 ارکان کے لئے نشستیں موجود ہیں۔ اجلا میں علی ظفر، بیرسٹر گوہر اور حامد رضا کی نشستیں لگائی گئی ہیں۔

یہ بھی پڑھیں: اس وقت ملک کا کل قرضہ 148ارب ڈالر جبکہ اس میں حکومت کا قرضہ 103ارب ڈالر کے قریب ہے، گورنر اسٹیٹ بینک

شرکاء کی فہرست

اجلاس میں راجہ پرویزاشرف، فاروق ایچ نائیک، سید نوید قمر، کامران مرتضیٰ، رعنا انصار، احسن اقبال، شائشتہ پرویز ملک، اعظم نذیر تارڑ اور خواجہ آصف موجود شریک ہیں۔

یہ بھی پڑھیں: ملک بھر میں شدید گرمی کی لہر لیکن بارش کہاں ہوگی؟ محکمہ موسمیات نے بتادیا

نئے چیف جسٹس کے نام

خیال رہے کہ سپریم کورٹ کے رجسٹرار نے چیف جسٹس قاضی فائز عیسیٰ کی جانب سے تین نام خصوصی پارلیمانی کمیٹی کو بھجوادیے ہیں۔ ذرائع کے مطابق نئے چیف جسٹس کے لئے جسٹس منصور علی شاہ، جسٹس منیب اختر اور جسٹس یحییٰ آفریدی کے نام بھجوائے گئے ہیں۔

حتمی فیصلہ

کمیٹی نئے چیف جسٹس کے لئے ایک نام فائنل کرکے وزیراعظم کو بھیجے گی۔ 26 ویں آئینی ترمیم کے تحت نئے چیف جسٹس کی تقرری موجودہ چیف جسٹس کی ریٹائرمنٹ سے تین دن قبل ہوگی。