برکس تنظیم میں پاکستان کی رکنیت کی درخواست پر بھارت کی حمایت کا امکان

بھارت کی حمایت ممکن

ممبئی(ڈیلی پاکستان آن لائن) برکس تنظیم میں پاکستان کی رکنیت کی درخواست پر بھارت کی حمایت کا امکان ظاہر کیا جارہا ہے۔ جیو نیوز کے مطابق، بھارتی میڈیا کا کہنا ہے کہ برکس میں رکنیت کی پاکستان کی طویل عرصے سے موجود درخواست پر رواں اجلاس میں پیش رفت ہو سکتی ہے۔

یہ بھی پڑھیں: نواز شریف واشنگٹن پہنچ گئے، اہم امریکی شخصیات سے ملاقاتوں کا امکان

برکس اجلاس کی تفصیلات

روس میں جاری برکس کے اجلاس میں 24 ممالک کے سربراہ شرکت کر رہے ہیں۔ کانفرنس میں ایران کے ساتھ اسٹریٹجک شراکت داری کے اہم معاہدے پر دستخط ہوں گے۔ اجلاس میں سعودی عرب کی برکس میں حیثیت کو بھی واضح کیا جائے گا۔

اہم ملاقاتیں متوقع

برکس اجلاس میں چین کے صدر شی جن پنگ اور بھارتی وزیر اعظم نریندر مودی کے درمیان ملاقات بھی متوقع ہے۔ روس آج سے شروع ہونے والے تین روزہ برکس سربراہی اجلاس کی میزبانی کر رہا ہے، جس میں روسی صدر ولادیمیر پوتن نے توسیع شدہ برکس گروپ میں بات چیت کے لیے کئی عالمی رہنماؤں کو روسی شہر قازان مدعو کیا ہے۔