جمہوریت کی بحالی میں بیگم نصرت بھٹو کی خدمات ناقابل فراموش ہیں: صدر مملکت

خراج عقیدت

اسلام آباد (ڈیلی پاکستان آن لائن) صدر مملکت آصف زرداری نے بیگم نصرت بھٹو کی سیاسی خدمات کو خراج عقیدت پیش کرتے ہوئے کہا ہے کہ پاکستان میں جمہوریت کی بحالی میں بیگم نصرت بھٹو کی خدمات ناقابل فراموش ہیں۔

یہ بھی پڑھیں: ہائیکورٹس کے مستقل چیف جسٹس کی تقرری کیلئے جوڈیشل کمیشن کا اجلاس آج ہوگا

جمہوریت کے لیے جدوجہد

صدر مملکت آصف علی زرداری نے مادر جمہوریت بیگم نصرت بھٹو کی 13 ویں برسی کے موقع پر پیغام میں کہا کہ بیگم نصرت بھٹو نے آمر کے خلاف عوام کے حقوق اور جمہوریت کی بحالی کے لیے طویل جدوجہد کی۔ انہوں نے مشکل دور میں پاکستان پیپلز پارٹی کو قیادت فراہم کی۔ بیگم نصرت بھٹو کی جمہوریت کے لیے قربانیوں کو خراج عقیدت پیش کرتے ہیں۔

یہ بھی پڑھیں: بھارت کے غیر ذمہ دارانہ رویے سے پورا خطہ خطرے میں ہے، وزیر خارجہ اسحاق ڈار

عزم اور شجاعت کی مثال

ان کا کہنا تھا کہ بیگم نصرت بھٹو نے آمرانہ حکومت کے ظلم و جبر کا ہمت اور بہادری سے مقابلہ کیا، وہ مادر جمہوریت اور عزم و حوصلے کی علامت ہیں۔ وہ سیاسی بصیرت کی حامل اور مدبر رہنما تھیں اور انہوں نے خواتین کی خود مختاری اور سیاست میں ان کی شمولیت میں اہم کردار ادا کیا۔

یہ بھی پڑھیں: پہلگام حملہ بہار کا الیکشن جیتنے کے لیے کروایا گیا، مودی حکومت قومی سلامتی کے مسائل کو انتخابی فائدے کے لیے استعمال کرتی ہے۔ یشونت سنہا کھل کر بول پڑے۔

مشروع راہ اور عزم کی تجدید

انہوں نے کہا کہ پاکستان میں جمہوریت کی مضبوطی کے لیے ہمیں بیگم نصرت بھٹو کے نظریے کو مشعل راہ بنانے کی ضرورت ہے۔ بیگم نصرت بھٹو کی 13 ویں برسی پر ان کے مشن کو جاری رکھنے کے عزم کا اعادہ کرتے ہیں۔

عوامی فلاح و بہبود کا عزم

آصف علی زرداری کا کہنا تھا کہ ملک میں جمہوریت کی مضبوطی اور عوامی فلاح و بہبود کے لیے بیگم نصرت بھٹو کے مشن پر کاربند رہیں گے۔