کیریئر کے آغاز میں اداکار فون کرواکر مجھے ڈرامے سے نکلواتے تھے، دانش تیمور

دانش تیمور کا انکشاف

کراچی (ڈیلی پاکستان آن لائن) معروف اداکار دانش ٹیمور نے انکشاف کیا ہے کہ کیریئر کے آغاز میں مشہور اور بڑے اداکار ڈراما ٹیم کو فون کرکے انہیں ڈرامے سے باہر نکال دیتے تھے۔

یہ بھی پڑھیں: شوبز کی دنیا میں کتنا پیسہ ہے؟ صحیفہ جبار خٹک کا انکشاف

بھارتی اداکارہ ریکھا کا ذکر

ایک ٹی وی پروگرام میں گفتگو کرتے ہوئے، انہوں نے بتایا کہ بھارتی اداکارہ ریکھا ان کا کرش رہی ہیں اور وہ ان پر دل و جان سے فدا رہے ہیں۔

یہ بھی پڑھیں: مودی کی تھانیداری ختم، 28 مئی کی خوشی 10 مئی کی وجہ سے ڈبل ہو گئی: امیر مقام

ٹی وی شوز میں شرکت سے گریز

ایک سوال کے جواب میں انہوں نے یہ بھی بتایا کہ وہ زیادہ تر ٹی وی شوز میں اس لیے نہیں جاتے کیونکہ وہاں اداکاروں سے ہی دوسرے اداکاروں کے بارے میں نامناسب سوالات کیے جاتے ہیں اور انہیں آؤٹ اسکرین بولنے پر مجبور کیا جاتا ہے۔

یہ بھی پڑھیں: چیف جسٹس قاضی فائزعیسی کا سپریم کورٹ میں آخری روز لیکن کسی بینچ کا حصہ نہیں، پھر آج کیا کام کریں گے؟ جانئے

پبلک ریلیشن ایجنسی کی عدم موجودگی

دانش تیمور نے ایک سوال کے جواب میں بتایا کہ انہوں نے کسی پبلک ریلیشن ایجنسی کی خدمات نہیں لیں، کیونکہ انہیں ایسی چیزوں کی ضرورت نہیں۔

یہ بھی پڑھیں: آذربائیجان کی یوم آزادی پر ترکیہ، پاکستان کے رہنماو¿ں کی شرکت دوستی کی عکاس ہے: الہام علیوف

کیریئر کے آغاز میں مشکلات

اداکار نے اپنے کیریئر کے آغاز پر بات کی اور کہا کہ وہ موٹر سائیکل پر ڈراموں کے آڈیشن دینے جاتے تھے۔ انہوں نے مزید بتایا کہ انہوں نے کیریئر کے آغاز میں سخت مشکلات کا سامنا کیا، اور انہیں کافی عرصے تک بطور ہیرو کاسٹ نہیں کیا گیا۔

ڈرامہ سازوں کے تاثرات

انہوں نے کہا کہ بعض ڈرامہ ساز انہیں بتاتے تھے کہ ان کے لیے فلاں اداکار نے فون کرکے کہا ہے کہ انہیں کاسٹ نہیں کرنا۔