پشاور میں خاتون کی بچوں سمیت پراسرار موت

پشاور میں لاشوں کی برآمدگی

پشاور (ڈیلی پاکستان آن لائن) میں ایک گھر سے 2 بچوں سمیت 3 افراد کی لاشیں برآمد ہوئی ہیں۔ پولیس نے لاشیں تحویل میں لے کر تفتیش شروع کر دی۔

یہ بھی پڑھیں: بھارتی ایئر لائن ’ ایئر انڈیا‘ کی 25 سالہ پائلٹ نے خودکشی کیوں کی؟ حیران کن وجہ بھی سامنے آ گئی

معاملے کی تفصیلات

پشاور کے علاقے فقیر آباد کے ایس پی بلال شاہ نے بتایا کہ فقیر آباد میں ایک گھر سے 3 افراد کی لاشیں برآمد ہوئی ہیں۔ جاں بحق ہونے والوں میں خاتون اور اس کے 2 بچے شامل ہیں۔

یہ بھی پڑھیں: معروف محقق و نقاد سلیم خان کیلیے عبد الحمید عدم لائف ٹائم اچیومنٹ ایوارڈ کا اعلان

پولیس کی کارروائی

پولیس کے مطابق اطلاع ملتے ہی ٹیم موقع پر پہنچ گئی۔ تینوں افراد مردہ حالت میں پائے گئے، پولیس ٹیم نے جائے وقوعہ سے شواہد اکٹھے کر کے لاشوں کو ہسپتال منتقل کر دیا ہے۔

یہ بھی پڑھیں: سٹیٹ بینک کو آئی ایم ایف سے ایک ارب 2کروڑ30لاکھ ڈالر موصول

اموات کی ممکنہ وجہ

ایس پی نے میڈیا کو بتایا کہ ابتدائی طور پر اموات کی وجہ زہریلا مواد معلوم ہوتی ہے، تاہم پولیس تفتیش جاری ہے۔

تفتیشی پیشرفت

ایس پی کے مطابق، پولیس ٹیم تمام پہلوؤں سے تفتیش کر رہی ہے اور بیانات بھی قلمبند کئے جا رہے ہیں جبکہ لاشوں کو پوسٹ مارٹم کے لئے ہسپتال منتقل کیا گیا ہے۔