توشہ خانہ کیس ٹو: بشریٰ بی بی کی ضمانت کیلئے روبکار جاری نہ ہوسکی
بشریٰ بی بی کی ضمانت کا معاملہ
اسلام آباد (ڈیلی پاکستان آن لائن) بانی پی ٹی آئی کی اہلیہ بشریٰ بی بی کے توشہ خانہ کیس ٹو میں ضمانت کے لئے روبکار جاری نہیں ہوسکی۔
یہ بھی پڑھیں: سونا پھر مہنگا ہو گیا
ججوں کی عدم دستیابی
سینئر سپیشل جج سینٹرل، شاہ رخ ارجمند کی عدم دستیابی اور سپیشل جج سینٹرل نمبر ٹو، ہمایوں دلاور کی رخصت کی وجہ سے روبکار جاری نہیں ہوسکی۔ پی ٹی آئی کے وکلاء مچلکے جمع کروانے کے لئے عدالتوں کے چکر لگاتے رہے، مگر عدالتی وقت ختم ہوگیا۔
یہ بھی پڑھیں: ایران جنگ کے برطانیہ پر اقتصادی اثرات، شرح سود 3.75 فیصد پر برقرار رکھنے کا فیصلہ
وکلاء کی کوششیں
بشریٰ بی بی کے وکلاء، خالد یوسف اور خدیجہ صدیقی، ایڈمنسٹریٹو جج جواد عباس کی عدالت سے بھی رجوع کر چکے تھے، لیکن وہ پہلے ہی کمرۂ عدالت سے روانہ ہو چکے تھے۔
یہ بھی پڑھیں: ثاقب فیاض مگوں کا ٹریڈ آرگنائزیشن رولز میں مجوزہ ترامیم پر تحفظات کا اظہار،قومی اسمبلی قائمہ کمیٹی میں مجوزہ بل پر تنقید، نظرثانی کا مطالبہ کردیا
ضلع کچہری میں درخواست
بشریٰ بی بی کے وکلاء نے جوڈیشل کمپلیکس سے ضلع کچہری پہنچ کر وہاں سیشن جج ویسٹ کی عدالت سے بھی روبکار جاری کرنے کی استدعا کی۔
عدالتی عملے کا موقف
عدالی عملے کا کہنا ہے کہ سپیشل جج سینٹرل کے ڈیوٹی ججز کی لسٹ میں سیشن جج ویسٹ کا نام شامل نہیں ہے۔
