توشہ خانہ کیس ٹو: بشریٰ بی بی کی ضمانت کیلئے روبکار جاری نہ ہوسکی
بشریٰ بی بی کی ضمانت کا معاملہ
اسلام آباد (ڈیلی پاکستان آن لائن) بانی پی ٹی آئی کی اہلیہ بشریٰ بی بی کے توشہ خانہ کیس ٹو میں ضمانت کے لئے روبکار جاری نہیں ہوسکی۔
یہ بھی پڑھیں: سکولوں کی مانیٹرنگ کیلئے 9 کمیٹیاں بن گئیں ،کیا فرائض انجام دیں گی؟ جانیے
ججوں کی عدم دستیابی
سینئر سپیشل جج سینٹرل، شاہ رخ ارجمند کی عدم دستیابی اور سپیشل جج سینٹرل نمبر ٹو، ہمایوں دلاور کی رخصت کی وجہ سے روبکار جاری نہیں ہوسکی۔ پی ٹی آئی کے وکلاء مچلکے جمع کروانے کے لئے عدالتوں کے چکر لگاتے رہے، مگر عدالتی وقت ختم ہوگیا۔
یہ بھی پڑھیں: لیئم پین کا سنیپ چیٹ پر آخری پیغام اور پھر ہوٹل کی بالکونی سے گر کر موت
وکلاء کی کوششیں
بشریٰ بی بی کے وکلاء، خالد یوسف اور خدیجہ صدیقی، ایڈمنسٹریٹو جج جواد عباس کی عدالت سے بھی رجوع کر چکے تھے، لیکن وہ پہلے ہی کمرۂ عدالت سے روانہ ہو چکے تھے۔
یہ بھی پڑھیں: وزیر اعظم شہباز شریف نے 7 اکتوبر کو فلسطین یکجہتی دن منانے کا اعلان کیا
ضلع کچہری میں درخواست
بشریٰ بی بی کے وکلاء نے جوڈیشل کمپلیکس سے ضلع کچہری پہنچ کر وہاں سیشن جج ویسٹ کی عدالت سے بھی روبکار جاری کرنے کی استدعا کی۔
عدالتی عملے کا موقف
عدالی عملے کا کہنا ہے کہ سپیشل جج سینٹرل کے ڈیوٹی ججز کی لسٹ میں سیشن جج ویسٹ کا نام شامل نہیں ہے۔
