سود کا خاتمہ اور مدارس کی رجسٹریشن، جامعہ اشرفیہ لاہور کے علماء کی مولانا فضل الرحمٰن کو مبارکباد

خلاصہ

لاہور (ویب ڈیسک) جامعہ اشرفیہ لاہور کے مہتمم مولانا حافظ فضل الرحیم اشرفی، نائب مہتمم و ناظم اعلیٰ مولانا قاری ارشد عبید، پروفیسر مولانا محمد یوسف خان، حافظ اسعد عبید، حافظ اجود عبید، مولانا زبیر حسن اور مولانا مجیب الرحمٰن نے جمعیت علماء اسلام کے سربراہ مولانا فضل الرحمٰن کو 26 ویں آئینی ترمیمی بل میں سود کے خاتمے کی تاریخ کے تعین اور دینی مدارس کی رجسٹریشن کے طریقہ کار کو بحال کرنے پر مبارکباد دی۔

یہ بھی پڑھیں: Israeli Aggression Against Pakistan via Imran Khan, Claims Defense Minister Khawaja Asif

مولانا فضل الرحمٰن کا روشن کردار

انہوں نے کہا کہ مولانا فضل الرحمٰن نے اپنے والد مولانا مفتی محمودؒ کے نقش قدم پر چلتے ہوئے ملک کو بڑے سیاسی بحران سے بچانے کے ساتھ ساتھ سود کے خاتمے اور دینی مدارس کی رجسٹریشن کے حوالے سے اسلامی دفعات کو موجودہ آئینی ترمیمی بل میں شامل کر کے ملک و قوم کے وقار میں اضافہ کیا ہے۔ مولانا فضل الرحمٰن کا یہ کردار تاریخ میں ہمیشہ سنہرے حروف میں جگمگاتا رہے گا۔

دینی قوتوں کی تقویت

انہوں نے مزید کہا کہ مولانا فضل الرحمٰن کے اس قابل فخر کردار و کارنامے سے ملک میں دینی قوتوں کو تقویت ملی ہے، جس کے نتیجے میں ملک کی ترقی، استحکام اور اتحاد و یکجہتی میں اضافہ ہوگا۔ جامعہ اشرفیہ لاہور کے علماء نے کہا کہ قائد جمعیت مولانا فضل الرحمٰن، وفاق المدارس کے صدر جسٹس (ر) مفتی محمد تقی عثمانی اور مولانا قاری محمد حنیف جالندھری کی اپیل پر جمعۃ المبارک کو ملک بھر میں یوم تشکر مناتے ہوئے نوافل اور خصوصی دعاؤں کا اہتمام کیا جائے گا۔