وزیر اعلیٰ مریم نواز سے بیلا روس کے سفیر کی ملاقات، پنجاب میں الیکٹرک بس پراجیکٹ میں معاونت کی پیشکش

پنجاب میں ٹریکٹروں کی مقامی تیاری

لاہور (ڈیلی پاکستان آن لائن) پنجاب میں بیلاروس کے تعاون سے مقامی سطح پر ٹریکٹروں کی تیاری کے لیے اسمبلنگ پلانٹ لگانے کا فیصلہ کیا گیا ہے۔ بیلاروس نے پنجاب میں الیکٹرک بس پراجیکٹ میں بھی معاونت کی پیشکش کی ہے۔

یہ بھی پڑھیں: کراچی کب تک لوڈشیڈنگ فری ہو جائے گا؟ کے الیکٹرک حکام نے بتادیا

بیلاروس کے سفیر کی ملاقات

وزیر اعلیٰ پنجاب مریم نواز سے بیلاروس کے سفیر آندرے میٹیلیسانے ملاقات کی، جس میں ٹریڈ قونصلر الیا قانہ پلیو بھی موجود تھے۔ ملاقات میں دوطرفہ باہمی تعلقات کے فروغ پر تبادلہ خیال کیا گیا اور زراعت، تجارت اور سیاحت کے فروغ پر بات چیت کی گئی۔

یہ بھی پڑھیں: پاکستان نے بھارت کے 7 جہاز مار گرائے اور 25 اہداف کو انگیج کیا : ایئر مارشل ریٹائرڈ ارشد ملک

وزیر اعلیٰ کی گفتگو

وزیراعلی مریم نواز نے اس موقع پر گفتگو کرتے ہوئے کہا کہ پنجاب میں غیر ملکی سرمایہ کاروں کو مراعات اور سہولیات فراہم کر رہے ہیں۔ بیلاروس کے ساتھ زراعت اور دیگر شعبوں میں تعاون کو فروغ دینا چاہتے ہیں۔ پنجاب میں زرعی مشینری خصوصاً ٹریکٹرز کی تیاری میں بیلاروس کے تجربے سے فائدہ اٹھانا چاہتے ہیں۔ پاکستان اور بیلاروس کے مابین باہمی تعلقات بالخصوص تجارت میں اضافہ چاہتے ہیں۔

سفیر کا بیان

بیلاRuss کے سفیر آندرے میٹیلیسانے کہا کہ ٹریڈ کے لیے ٹرانزٹ روٹ اور سڑکوں کے ذریعے تجارتی کوریڈور خطے کے لیے خوش آئند ہو گا۔ بیلا روس کے سفیر نے باہمی تجارت کے فروغ کا روڈ میپ طے کرنے کے لیے وزیر زراعت، وزیر ٹرانسپورٹ، سیکرٹری ٹرانسپورٹ اور صدر بینک آف پنجاب سے بھی ملاقات کی۔